Вила на Влаина планина каде никој нема околу вас

Се почесто имаме сместувања на Влаина планина кои може да ги најдете на платформата на Кајак.мк.

Драго ни е што нашиот тим успеа да убеди доста домаќини да ги отворат своите врати за светот на Кајак.мк и заедно да изградиме едно заедништво кое никој не би можел да го пробие.

Луѓето кои патуваат преку Кајак и кои со нетрпение чекаат да споделиме ново скривалиште кое досега не било видено никаде на друго место се луѓе кои веруваат во нашата приказна.

Токму таквите патувачи се главниот пулс на платформата и поради нив дише идејата за развој на нова ера на туризмот.

Кога сме кај новата ера на туризмот, многу важно е да успееме да откриеме што е можно повеќе скривалишта во Македонија во кои можете да престојувате, да работите On-line, да практикувате јога или можеби да подготвувате добра храна.

Денеска ќе ве запознаеме со нашиот нов домаќин, Горан, кој ги отвори вратите од својата вила на 1100 метри надморска височина.

Влаина е идеална за луѓето кои сакаат да побегнат во мир и тишина. Во околината на сместувањето има патеки кои може да се користат за пешачење и велосипедизам, а на само 500 метри се наоѓа граничниот премин „Делчево“.

Вилата е опколена со прекрасна борова шума, пространа тревна површина, овоштарник и насад со лешници.

Звучи примамливо за престојување, нели? Повеќе инфо, фотографии и контакт за резервација можете да најдете со еден клик ОВДЕ.