Погледнете какво сместување ви нуди Нижеполе

Нашите дечки денеска ве шетат низ Битола и околината. Како предлог за вас имаме сместувања во Битола и Ниже Поле. Без разлика дали ќе престојувате во градот или ќе престојувате на планина, најважно од се е да го посетите Пелистер. 

За тие коишто не знаат Нижеполе е мало планинско село оддалечено 12 км. од градот Битола. Тоа се наоѓа на работ од Националниот Парк Пелистер со 186 жители.

Како еко туристички сервер ви ја препорачуваме ова дестинација поради секогаш чистиот воздух, здравата клима и богатата разновидна вегетација, посебно боровата шума и ледничките езера кои придонесуваат Пелистер да претставува туристичка воздушна бања. 

Одржувајте го и подобрете го Вашето здравје преку престој во селото Ниже Поле. На една од прошетките низ околината на селото во изобилие Ви се нуди можност да се насладувате на даровите од недопрената природа: капинки, боровинки, малинки, шумски јагоди, шипки, печурки.

Наш предлог е вилата „View“ која се наоѓа на само 9,5 км од центарот на Битола. Вилата е на 1100 метри надморска височина и нуди прекрасен поглед кој гарантира релаксација и одмор.

Пространиот двор е погоден за играње забавни игри, спорт и рекреација за сите возрасти. Терасата води кон влезот на куќата која има дневна соба, кујна, две спални соби и една бања.

Кујната е целосно опремена со прибор за подготовка на храна. ТВ, Wi-Fi, вградена и електрична скара на отворено, маса за пинг понг, импровизирана лежалка и други знаменитости се апсолутно достапни за употреба.

Контакт за резервација на: 076 552 997