Животот ме научи да се пронајдам како туристички водич во Охрид

Пролета не е пролет ако не го посетите Охрид. Март е месецот кога се најавува новата сезона и кога сонцето се повеќе привлекува туристи во градот. Ние денеска разговаравме со Ива Николоска која работи во Општина Охрид во делот за поддршка на градоначалникот, а која е лиценциран туристички водич за Охрид и регионот.

Ива живее и создава во Охрид. Таа е страсен љубител на нејзиниот роден крај кој секојдневно го козумира како добро „Мешеишко вино“ (вино од регионот). Она што ја натерало да стане водич е потребата да ги пренесува нејзините доживувања на гостите кои доаѓаат овде.

Вели дека кога се работи со љубов и посветеност кон работата резултатите се повеќе од очигледни. Николоска ни ја споделува првата тура која ја реализирала само неколку дена по добивањето на лиценцата за водич, а групата и била брачен пар од Италија. На она што таа ќе се сеќава се воодушевувањата што ги имале италијанците кон ренесансното сликарство на Михаил и Евтихиј Астрспа од раскошната Св. Богородица.

Ја запрашавме како се одвивале останатите групи. Добивме одговор дека најголем предизвик и била мешаната тура од теолози од Англија, Полска, Бугарија, Турција и Чешка кои тури имале акцент на шаренилото на религиозните објекти и високото ниво на духовна енергија која луѓето отворено и ја признавале дека ја чувствуваат.

Македонија ја доживуваат како ковчег со златен накит најден на дното од некое море, вели Ива. Скриена убавина е таа пради која повеќе доаѓаат, а тоа ги примамува да се вратат и по втор пат.

За Николоска најважно до се е туристите во Охрид да добиваат комплетно сетило за градот и вистинско гастрономско доживување. Разликата на турите со туристички водич е огромна, тоа дава сосема нова димензија. Сликовито прикажување на историските факти, љубовни трагедии, среќни завршетоци и сето тоа надополнето со многу храна. За неа многу важно е да се акцентираат и изработката на филигранскиот накит, охридскиот бисер, производството на хартија и печатењето со Гутенберговата преса на стари црковни ракописи и икони, изработка на накит со македонски рубин и така натаму.

Таа е среќна што се пронашла во ова професија и најсреќна е после секоја успешно завршена тура. Таа ги охрабрува домашните туристи да ги ангажираат туристичките водичи бидејќи ќе бидат пријатно изненадени и многу побогати.  

За крај на разговорот Ива ни го поставува прашањето: Дали сте слушнале за Момата во близина на Прилеп?