26.10.2020

Вака изгледа кога хотелот и планината Пелистер ќе се заљубат еден во друг!

Вака изгледа кога хотелот и планината Пелистер ќе се заљубат еден во друг!

Тимот на Кајак.мк во изминатиот период прошета низ многу места на Пелистер, а верувајте дека ова е само почеток на нашиот патувачки караван. Од реакциите коишто ги добиваме, знаеме дека на многумина од вас не им се верува верува дека сето ова го имаме во Македонија.

Кога зборуваме за престојот за врмее на одморот, многу е важно да се направи разлика помеѓу класично сместување и сместување во објекти кои се “здушени“ со самата околина.  

За да се почуствува духот на дестинацијата која ја посетуваме, битно е каде ќе престојуваме, со кои луѓе ќе разговараме, што сакаме да дознаеме, што треба да научиме. Овој мал семеен хотел за кој многумина од вас сигурно сте слушнале „Шумски Фенери“ е еден од таквите кои сами раскажуваат за планината Пелистер. Зошто ви го препорачуваме хотелот? Затоа што, хотелот има се. 

Да почнеме од најосновните информации. Тој се наоѓа на 900 метри надморска височина во шума, во подножјето на Националниот парк Пелистер и е на 4 километри од градот Битола. Планинските предели кои се фантастички во текот на цела година, чистиот планински воздух и најважно од се уникатно дизајнираните соби кои даваа чуство на планинско бегство од реалноста, се она што не купи. 

Она што треба да го знаете е дека секоја соба е опремена со сателитска телевизија, фрижидер и бања со фен, централно греење и клима уред. Сите соби обезбедуваат врвен поглед на долината и градот или кон планината. 

Како што и кажавме, периодот на посета не е толку битен бидејќи овде има што да се прави 365 денови во годината. Но за тоа што да се прави, ќе ви кажеме подоцна. 

Хотелот има и рестотан, можеби и омилениот простор од објектот на повеќето гурман-туристи. 

Треба да знаете дека и покрај тоа што престојувате во хотел, во кујната работат мајстори кои знаат како се прави добар домашен појадок. Наш совет е да дегустирате планински мед и домашен мармалад. Планина е, па се подразбира дека е добар. 

Освен кујната, хотелот има уште едно добро катче во ресторанот каде се наоѓа гуши камин покрај кој има совршена атмосфера за да читате книга. Хотелот можете да го резервирате на телефонскиот број: 047 293 030

Ајде сега да излеземе од хотелот. Да видиме што може да се прави во ноември? 

Веќе некое време зборуваме за Пелистер а никако да стигнеме до Пелистерските очи. Можеби поради фактот дека баравме добри лиценцирани водичи. Па веќе ги имаме од самиот хотел. Наш предлог за викенд за сите кои сакаат активен одмор е да ги искористат планинарските патеки се со цел да го истражат најстариот национален парк во Македонија.

Како предизвик за сите кои ќе одлучите да бидете гости на хотелот „Шумски Фенери“ ви ја даваме посетата на големото глацијално езеро кое се наоѓа на 2218 метри надморска височина и за многумина од вас непознатото влашко село Маловиште. 

Турата ја организираат од самиот хотел со лиценцирани планински водичи, па затоа наш совет е секогаш да изнајмувате професионалец кој ја владее планината. Турата се организира од хотелот до Нижо Поле, од каде започнува планисното искачување до селото. Патеката е долга околу 6 километри во правец. И потребно време за искачување е до 3 часа. Патеката поминува низ прекрасни високопланински пасишта и цело време има прекрасни видици на околните планини и кон долината на село Ниже Поле.

Наредниот ден можете да го посетите село Маловиште кое е планинско село во границите на националниот парк Пелистер и се наоѓа на 1140 надморска височина. Маловишта е специфично село, со интересна, автентична архитектура. Селото има убави, големи куќи градени од камен, на традиционален начин. Белег на старата архитектура се сочуваните стари калдрмисани улички, камените мозстови и изгледот на мала градска населба. 

Во центарот на селото се издигнува црквата Св. Петка, со својот сочуван фрескоживопис, како и извонредниот дрвен иконостас изработен во длабока резба. Во околината на селото има доста патеки лесни и потешки кои можат да се поминат во неколку денови. Ние ја избравме патеката до малото црквиче св.Спас кое се наоѓа на надморска висина од 1950 метри надморска височина. 

Хотелот можете да го резервирате на телефонскиот број: 047 293 030

Остави Коментар

Прочитајте повеќе

Нови и модерни апартмани во срцето на Скопје

Секој апартман е проектиран со цел да обезбеди максимален комфорт и интимност, опремен со дневна соба, кујна, трапезарија, две спални соби, два тоалети и две тераси, идеални за одмор и уживање.

Нов планински бунгалов на 1200 метри височина достапно за резервации

Сместен на магична надморска височина од 1200 метри, во срцето на недопрената природа која го бакнува Беровското езеро, се отвори уште еден нов бунгалов идеален за еден пар кој сака да ужива во приватноста и спокојот.

Резервирајте ја планинската дрвена куќичка во која никој нема да ве најде

Тимот на Кајак.мк постојано ја надополнува својата база на приватни сместувања со нови уникатни скривалишта за луѓе кои сакаат да одморат глава од напорната работа, од гужвата и хаосот.

Апартман во Берово достапен за секого

Тимот на Кајак.мк ве информира дека од денеска во нашата база на приватни сместувања ни се приклучува уште еден апартман кој може да си го дозволи сечиј џеб.

Запознајте ја стружанката Сара: Младата девојка која изработува накит од овча волна

Материјалите што ги користи Сара се од највисок квалитет и се природни. Овчата волна ја припрема сама, од перењето и чистењето до влачењето и боењето.

Изнајмете вила со приватен базен во Кучково преку Кајак.мк

Уште едно ново сместување со базен за оние кои сакаат да имаат апсолутна приватност!