17.02.2021 12:10

Никогаш не ни помислив дека ќе имам работилница во Скопската Чаршија

Дека успешни приказни се раѓаат и во време на пандемија говори приказната на Александра, која неодамна се одлучува да отвори свој дуќан во Старата Скопска Чаршија во кој ќе изработува и продава филигрански накит.

Нашиот тим ја запознава Александра, голем љубител на она што го нуди бесконечната историја на чаршијата, тесните улички, продавници и начинот на којшто живее чаршијата.


Александра како млада студентка се решава да отпочне со обука за филигранство. Таа вели дека овој занает отсекогаш и претставувал техника која ја фасцинирала.

Во нејзиното мало дуќанче/работилница, се наоѓа една мала работна маса со многу ситни алатки од кои се раѓа едно парче накит. Отварањето на работилницата било во декември 2020-та година, што можеме да кажеме дека е приказна која почнала добро да се развива во време на пандемија.

Занаетот го учи од обуки, но вели дека за доосовршување на техниката, главен придонес има еден мајстор-златар, чија работилница исто така се наоѓа во чаршијата. Според неа пренесувањето на знаењето и занаетот од повозрасните на помладите во Старата Скопска Чаршија е битен момент во задржувањето на традицијата.

Желбата за филигранство постоела уште многу одамна. Александра вели дека била воодушевена уште од мала додека шетала по учиците на чаршијата, но не се надевала дека приказната на MORPHO ќе се развива токму тука.

За неа убавината на чаршијата е во тесните дуќанчиња, малите работилници, антикварници што се нижат низ расплетените улички и зафаќаат површина од 6м2, 8м2, 10м2, наспроти трендот кој го диктира денешницата за да купуваме брендирани производи од огромни продавници во затворени трговски центри.

Работата ја опишува како доста креативна, на која треба да и се посвети време. Го сака моментот на играта помеѓу огнот и сребрените жици. Таа како студент по архитектура вели дека, изработката на накит, обликувањето на дизајнот и осмислувањето како сите парчиња дасе поврзат во целина за неа е архитектура во мало.

Изработува филиграни заради нивната автентичност, неповторливост, заради нивната деликатност, способност да не поврзат со долговековниот историјат и традиција која ја негуваат нашите постари, поради чувството на идентитет кое се побудува кај народот.

Во текот на нејзиното работење, Александра вели дека сака да го разбие стереотипот дека филиграните се накит за повозрасни жени, а на ова ќе му пркоси со изработка на дизајни во современ јазик, дизајни поблиски до младите.

Таа додава дека поддршка има од сите страни. Младите ги препорзнаваат нејзините дизајни, а нејзината приказна поттикнува многу млади девојки да носат уникатни филигрански парчиња, па и самите да учествуваат во дизајнирањето на своето парче.

Честопати среброто го надополнува со други метали како месинг, бакар, злати и полуграги камења кои му даваат сосема нова димензија на филигранот.

Старата Скопска Чаршија е светски позната со многубројни мајстори кои својот живот го имаат посветено во малите работилници. Странските туристи ја ставаат чаршијата на прво место при посета на Скопје, бидејќи како што знае да се каже, ова е срцето на градот. 

Прочитајте повеќе

Резервирајте шармантна традиционална македонска куќа со поглед кон Радика

Во селото Јанче, со векови наназад, традиционалните македонски куќи се реновираат од страна на локалното население, користејќи локални камења, дрва и еспертиза од локалните стари чувари на тајната за шармот на куќата.

Нашиот еколошки пчеларник е доказ дека Македонија е навистина медена земја

Време е да почнеме да размислуваме околу пролетните патувања. Многу наскоро ќе се пробуди животионскиот свет во Македонија, а со тоа се пробудува и нашата желба за активно патување.

Пчеларникот Јасен го очекува новиот старт на сезоната

Мистериозниот заштитен природен резервоар никогаш не бил толку интересен за истражување како што е денес. Затворените граници не натераа да се фокусираме да го истражуваме тоа што го имаме дома.

Кампуваме низ цела Македонија, секој авантурист може да ни се придружи

Пролетта ни тропа на врата, југот на Македонија веќе е прилично зелен, а желбата да се скокне во вода се повеќе расте. Март е месец на двоумење! Дали утре ќе падне нов снег или ќе блесне јако сонце. Но како и да е, Македонија започна да се буди од зимскиот сон.

Планинска вила со базен во Македонија: Опколена со шума

Доаѓа пролет, а со тоа и потребата да се размислува на прашањето каде ќе можеме да се разладуваме во текот на сезоната. Тимот на Кајак.мк веќе го покренуваат ова прашање и започнуваат со подготовка на новата топла авантуристичка сезона.

Вила на Пониква за луѓето кои “мразат“ луѓе

Има патници кои бараат начин како да одморат глава од луѓе. Таквите барања тимот на Кајак.мк ги разбира бидејќи знаеме колку е важно патувањето во намалувањето на стресот и колку секој чека да отпатува некаде за да го искористи своето слободно време.