Во Македонија се отвори првата јапонска градина во која можете да престојувате

Тимот на Кајак.мк е во постојана потрага по нови уникатни места во Македонија. Ако има платформа која е прва со сите нови доживувања во Македонија, тогаш тоа сме ние. Ние ги сакаме локалните мештани, нивните приказни, сакаме да ги поддржуваме и да ги промовираме, а најмногу сакаме преку ваквите уникатни можности кои ги имате на Кајак.мк да го поттикнеме развојот на локалната економија.

Денеска, ве водиме во село Довезенце, каде на прекрасна локација со површина од над 5000 метри квадратни има ново уреден простор кој за разлика од досегашните наши дестинации е поразличен по своето уредување.

Станува збор за првата и во моментот единствена јапонска зен градина која својот назив „Нинџа Село“ го добива поради уникатното јапонско уредување на целокупниот простор, од самата градина па се до сместувачките куќички кои можете да ги резервирате со еден клик ОВДЕ.

Домаќинот Игор, кој ни ги отвори вратите за светот на Кајак.мк вели дека градината започнала да се развива пред четири години, а својот сјај постојано го надоградува благодарение на разноликоста на дрвцата кои се засадени и сите елементи од камчиња до скулптури кои го градат духот на јапонската култура.

Игор вели дека цел на овој проект е да се промовира јапонската култура и традиција во Македонија, нудејќи простор за релаксација, медитација и изучување на боречки вештини. Гостите овде може да уживаат во мирот и спокојот, може да практикуваат јапонска јога или ќе може да ја изучуваат јапонската култура и традиција преку презентации, која е пресадена во подножјето на планината Липац, со личен труд на учителот Игор Довезенски и неговите ученици.

Просторот има четири опремени куќички кои се идеални за парови. Ова уникатно сместување се препорачува за лица над 18 години, бидејќи во јапонската градина секоја тревка и секое камче се поставени на специфично место и во согласност со јапонските гледања на Универзумот, а љубопитноста на децата може да го наруши тој распоред преку поместување на предметите. Во самото дворче има езерце со кои-јапонски крапови, разни дрвца, простор за медитација и уживање и места со длабока сенка за летни уживања.

Повеќе информации и опција за резервација можете да најдете со еден клик ОВДЕ.