Во Демир Капија постои домаќинство каде може да резервирате приватно гастро уживање

Тимот на Кајак.мк ви го претставува новото гастро ќоше кое можете да го резервирате за интимен ручек или вечера и да престојувате во него заедно со вашите блиски роднини или пријатели.

Денеска ве водиме во Демир Капија или како што често милуваме да речеме, една од нашите омилени викенд дестинации во Македонија. А зошто омилени? Затоа што Демир Капија има прекрасен рејлеф за прошетки, локални природни знаменитости, уникатни винарии, клисура, атв тури (наскоро), рафтинг тури и многу гостопримливи домаќини. Сето ова би било залудно наброено, ако нема гостопримлив народ, кој дефинитвно во Демир Капија го има.

Во Демир Капија се наоѓа домаќинството Белови, кое домаќинство е идеална гастро викенд дестинација за оние кои сакаат да уживаат на сончево и топло време под отворено небо и во тревна градина. Засега домаќинството нуди опција за ручек на отворено, а во 2025-та година веќе ќе има и опција за уживање во затворен простор.

Но, Демир Капија има многу сончеви денови и на есен и во зима, што дефинитивно не преставува проблем да се искористи секој зрак за секој залак.

Ние разговаравме со Мирјана и Христијан, кои како домаќини ни потврдија дека овде може да се вкуси најдобрата демиркаписка пита, нешто што е специјалитет на самиот регион. Покрај питата овде е тегнатата пита, пастрмалиите кои се подготвуваат во самото домаќинство со локални намирници, разни салата, сирења и домашни локални вина.

За гостите кои сакаат да уживаат во храната и да го искористат викендот во Демир Капија, треба да имаат предвид дека самото домаќинство има свој сместувачки капацитет. Повеќе информации околу сместувањето можете да најдете со еден клик ОВДЕ.