Вера раскажува: Овие убавини ги има во Македонија

Можеби за многумина непозната но браната Кнежево е доста интересна опција за викенд прошетка. Таа се наоѓа во непосредна близина на село Кнежево во општина Кратово, на падините на Осоговските Планини, оддалечено 42 километри североисточно од Кратово. Во османслиските даночни регистри на немуслиманското население од вилаетот Кратово од 1618-1619 година, селото е забележано со 11 ханета. Селото се споменува и во списокот на немуслиманските домаќинства во истиот вилает од 1637 година со 13 ханета (домаќинства).

Во XIX век селото е дел од Кратовската каза во Отоманското Царство.

Карактеристично за браната „Кнежево“ од хидросистемот „Злетовица“ е тоа што таа е камено-насипна брана со асфалтно јадро и е прва од тој тип на нашите простори.

Во текот на 2010 година заврши изградбата на браната, а се доработуваат евакуационите органи, кои се очекува да бидат готови до крајот на годинава.

инфо: hydrogirlstories.vera