Скопјанецот Драшко Колев веќе две години се заминава со изработка на масивно квалитетно дрво

Кога приказните за локалните херои ќе ве мотивираат да отпочнете да го работите тоа што ве исполнува, барајте начин како да прочитате уште една нова приказна. Колку повеќе мотивирачки приказни ќе прочитете, толку полесно ќе сфатите дека вашето слободно време после работа, може да биде нова можност да заработите дополнително од едно обично хоби.

Во екот на летната сезона нема ништо подобро од тоа да раскажеме збор два за Драшко Колев, скопјанецот кој стои позади брендот „Kolev Rustic Wood“ а кој повеќе од 2 години сериозно се занимава со изработка на масивно квалитетно дрво.

Драшко ги раскажа своите почетоци и вели дека дрвото и дрвените предмети отсекогаш му биле идеални предмети му го разубавуваат домот и уште од млади години покажал интерес за тоа како да изработи нешто за своја душа.

Со тек на времето и со усовршувањето на резбата, делата на Колев станале привлечни и за неговите блиски пријатели кои барале од него да им изработи предмети за во домот.

Со тек на годините Колев добива мотив да отпочне да сериозно да се занимава со преработка на дрвото, а како најсила поддршка за вакиот чекор ги потенцира неговите пријатели кои го препознале квалитетот на неговата работа.

Драшко вели дека сам започнал да ја развива професијата, никој од неговото семејство немало претходно искуство поврзано со преработка на дрво. Тој се сеќава дека на самите почетоци гледал и учел нови работи од интернет, а додава и дека “крадел“ знаења од локалните столари.

Денеска, неговите најпродавани предмети се масите, клуб масичките, даските за сервирање и разни друштвени игри. Најчесто користи орев за изработка на предметите, бидејќи како што вели тој има доста интересен дизајн, но се случува да користи и даб, цреша, дрво од костен и така натаму.

За дрвото од костен вели дека е доста применувано во ова дејност поради неговата мекост при преработката. Околу времето на изработка, Драшко вели дека зависи од финалниот изглед на предметот и каква ќе биде неговата намена, а исто така зависи и од тоа дали предметот ќе добие епоксидна смола која се нанесува и во неколку фази.

Колев, кој воедно е дипломиран машински инженер, вели дека ќе продолжи да се надоградува и да учи и дека нема да застане овде.

Тимот на Кајак.мк ги поддржува ваквите локални херои кои создаваат мали нешта од огромно значење. Доколку сакате да стапите во контакт со Драшко чувствувајте се слбодни да му јавите на: +38971767557