На само два и половина часа возење од Гевгелија се наоѓа луксузен “шатор“ на една од преубавите плажи на првиот крак. Можеби е мал, но нуди сè што можете да побарате од луксузна хотелска соба, а да биде сместена на вашата приватна плажа! Идеално за сите кои уживаат во мирисот на дрвјата и морето!

iCamp е проектот кој се гради на приватна плажа во Палиури на Халкидики. Овој гламурозен, 5* шатор има сè што можете да побарате од хотелска соба 5 *, но е уште подар затоа што нуди единствена комбинација на приватност и природа!

Ако сакате квалитетното време да го искористите со вашите најблиски, или самостојно, но сакате да ги надминете стандардите, тогаш iCamp max 2 е она што го барате. Во добро организиран простор, има сè што треба за да го поминете одморот на удобен начин. Се состои од комплетно опремена спална соба, дневна соба и бања, на најзгодниот и најлуксузен начин. Поточно, има многу удобен брачен кревет, двоен софа кревет, купатило и огромен балкон што го комбинира надворешниот простор со шаторот. Во шаторот може да се сместат максимум 4 лица. 

Погледот е волшебен, но исто така и мирисот на бор секое утро кога ќе се разбудите. 

Цената за едно ноќевање се движи од 177 долари па нагоре за 4 лица. 

За жал во моментот поради затворените граници, патувањата во Грција се оневозможени. Но и порај тоа, ова приватно “шаторче“ е резервирано со месеци однпаред.