15.06.2020

Во Грција денеска пристигнуваат туристи од десетина земји, Македонците ќе ја чекаат втората фаза

Во Грција денеска пристигнуваат туристи од десетина земји, Македонците ќе ја чекаат втората фаза

Од денеска започнува првата фаза од отворањето на грчкиот туризам, но само за посетители од одредени земји и само кон атинскиот и солунскиот аеродром, додека пак во втората фаза, на 1 јули ќе бидат укинати сите забрани и рестрикции и ќе бидат отворени сите аеродроми во Грција, како и дел од копнените граници со Северна Македонија и Албанија, јави дописничката на МИА од Атина, пишува Фокус.

Паралелно, освен делумното отворање на туризмот, денеска во Грција има и дополнително укинување на рестриктивните мерки и забраните за работа, па така одново почнуваат со работа сезонските туристички објекти, музеите, фитнес центри и спа центрите.

Освен земјите што се на листата на Европската организација за безбедно воздухопловство, од денеска, дозволени се и летови од/кон Италија, Шпанија и Холандија, а забраната продолжува да важи за Северна Македонија, Албанија, Турција и Велика Британија.

За периодот меѓу двете фази, односно до 1 јули, за туристите кои ќе пристигнат во Грција од аеродромите што не се на листата на Европската организација за безбедно воздухопловство, предвидени се тестирања по случаен избор, додека пак за патници од Италија, Холандија и Шпанија, тестот е задолжителен.

Работата на атинскиот аеродром, воопшто не беше прекината поради Ковид-19, но сите патници беа тестирани и префрлани во државен карантин.

А аеродромот во Солун, денеска повторно е отворен по тримесечна пауза.

Во текот на денешниот ден, планирано е во Атина да пристигнат патници од Кипар, Холандија, Франција, Катар, Италија, Австрија, Швајцарија, Германија, Унгарија, Србија, Бугарија, додека пак во Солун од Германија и Кипар.

На аеродромите и во авионите задолжена е употребата на маска, како за туристите, така и за персоналот.

Од 1 јули, ќе бидат отворени аеродромите во цела Грција, ќе се отворат седум гранични премини, а од бродовите што доаѓаат на крстарење, дозволен ќе биде влез на туристи од шест грчки пристаништа.

Тогаш сите туристи, ќе треба да имаат пополнет формулар (Passenger Load factor) со податоци за нивните контакти во Грција, ќе се спроведуваат тестови по случаен избор, а евентуалните позитивни случаи ќе бидат 14 дена во карантин и сместени во хотел-карантин.

Македонските туристи од 1 јули ќе можат да патуваат во Грција, но само преку преминот „Богородица“

Во следните две седмици, заклучно со 30 јуни, ќе бидат дозволени летови и од Северна Македонија и Албанија, но само за конкретни цели, а не и за туристи и само кон атинскиот аеродром.

На аеродромот во Солун не се дозволени летови ниту од нашата земја, ниту од Албанија.

Доколку се биде во ред, копнените граници со Северна Македонија и Албанија, Грција ќе ги отвори на 1 јули, а не денеска, како што првично беше најавено, додека пак ќе функционираат само неколку гранични премини, од кои само Евзони (Богородица) кон нашата земја.

Во периодот до 30 јуни 2020 година, по копнен пат дозволени се само апсолутно неопходните службени патувања, а отворена е границата со Бугарија.

Извор: fokus.mk

Leave a Comment

Read More

Authentic Stories from Macedonia – How Locals Are Shaping Tourism

The stories of local hosts are the heart of tourism in Macedonia. Kajak.mk invites everyone who creates with love to share their story with us and let the world experience it.

How to Make the Most of Macedonia’s Last Sunny Days

Macedonia in Autumn. Make the most of the last sunny days with travel, nature, and tranquility. Kajak.mk suggests the best places to experience the beauty of the season.

Discover Macedonia’s Autumn Markets: Seasonal Treats & Local Traditions

Discover the beauty of Macedonia’s autumn markets – colorful stalls filled with pumpkins, peppers for ajvar, chestnuts, and homemade honey. A story full of love, tradition, and local flavors.

Archaeotourism in Macedonia – Discover the Past While Enjoying Nature

Explore archaeotourism in Macedonia and experience history while enjoying nature. Hiking tours, adventure, and authentic travel experiences for all ages.

Best One-Day Trips in Macedonia for the Holidays

Discover the best one-day trips in Macedonia for the holidays. Explore nature, food, and adventure ideas for a perfect getaway on kajak.mk.

Coffee Culture in Macedonia – An Authentic Experience for Every Tourist

Discover the authentic coffee culture in Macedonia. Taste rich Turkish coffee, experience the ritual of sand coffee preparation in the Old Skopje Bazaar, and feel the soul of the country.