Посетете ја Куратица: Романтика на 1100 метри надморска височина

Ако барате каде да го доживеете спокојот во јануари, тогаш совет од тимот на Кајак.мк е да го посетите селото Куратица. Кутратица има што да ви покаже. Од освежително опкружување и живописен амбиент.

За Горан, човекот кој е „виновен“ за добрата промоција на Куратица, ова село е многу повеќе. Горан вели дека со силна верба во себе можеме да направиме многу. Тој организира тури со ATV мотори, летни капувања, а во моментот вели дека се подготвува и зимската моторна санка за луди авантури.

Во селото живеат околу 200 жители. Но бројката во текот на годината е многу поголема, бидејќи постојано доаѓаат туристи кои слушнале за селото. Ги привлекува надморската височина. 1.080 метри надморска височина, храната и природата.

Горан раководи и со сопствен етно ресторан „Дедо Димо“. Како то што вели тој, колбасот што самиот го прави, ѓомлезето на староседелките на селото, фуранџискиот леб на сопругата Сузе, питулиците со вековна традиција и домашното вино, се главната причина за тоа што туристите се враќаат повторно.

Од атракциите мора да ги споменеме: Турите до Мазатар со специјални теренски возила, скијањето по падините и забавните тури со магариња. Воедно, Куратица е доста позната и по традиционалниот маскембал кој се организира на 13-ти и 14-ти јануари секоја година, но годинава поради пандемијата ќе биде ставен во мирување. 

Селото се наоѓа на 20 километри североисточно од Охрид, или на пет километри северно од патот Охрид – Ресен. Има околу 200 жители, околу 150 куќи, основно училиште со околу 15 ученици. Главна дејност е сточарството. 

Најчести туристи во селото се битолчани, скопјани и прилепчани. Горан рекламите ги прави на социјалната мрежа фејсбук. Во моментот нема соби за престојување, но како што вели тој, овој проблем ќе биде решен до пролетта. 

(Foto: Stojan Stojanovski)
Горан располага со теренско возило, ATV мотори, како и снежна моторна санка која е новитет во понудата за престојната зима. Турите ги организира најчесто до врвот Мазатар. Пократка тура која е честопати избор на туристите.

Подолгата тура се организира до Плакенска Планина каде се поминуваат околу 80 километри и е потребен цел ден за да се реализира турата. Ова е доста авантуристичка тура. Најчесто се реализира со ратакот на Горан, на кој има поставено кабина. Кога има навеано голема количина снег, возат со ратакот, го затапкуваат снего и прават патека за скијање. Возат се додека е можно, а оттука со скии или санки туристите се пуштаат по патеката до селото. 

Во селото се наоѓа и етно ресторанот Дедо Димо во кој можете да дегустирате вкусна традиционална домашна храна. Ресторанот е изграден според автентичните градби за ова поднебје.

Опкружен со живописната природа нуди традиционални јадења како што се домашен леб од фурна, ѓомлезе, петулици, домашни пити и други јадења подготвени со производи од домашно органско производство како и чаша домашно вино, ракија или сок.