Посетете го легендарниот авто музеј во кој може да престојувате

Се уште размислувате каде да го поминете викендот? Не сакате шума, а не сакате ни езеро? Препорака за денеска од тимот на Кајак.мк е античкиот музеј „Филип“ кој содржи голема колекција на антички автомобили, вклучително: Simca Ariane from 1953, Opel Olympia, Ford Taunus, Pezo404, Plymouth Valiant, Moskvich, Opel Olympia, Volkswagen Buba, Citroen. 24 мотори стари шест децении во одлична состојба како што се BMW, DKW, NSU, MAKS итн.

Во овој музеј освен автомобилите се наоѓа и антикварцница и преурдени соби во стилот на старите турски, еврејски, македонски одаи. Во склоп на музејот се наоѓаат и соби во кои може да престојувате, а кои соби се уредени во стар етно македонски стил. 

Музејот „Филип“ се наоѓа во село Крклино кое е одалечено на само 5 км од Битола. Патоказите до самото место се доста уникатни.

Збирката на реткости „ФИЛИП“ која слободно може да се нарече Авто и Етно музеј. Опремен со приватен надворешен базен и двор со скара, климатизираниот апартман во Авто и етно музејот Филип во Крклино е оддалечен на само 7.5 км од центарот Битола.

Етно апартманот во кој може да се смести едно семејство има и балкон, дневен престој со софа, телевизор, WC со туш, кујна со микробранова и фрижидер, беслпатен WiFi и паркинг.

Освен сместувањето, можете да дегустирате и традиционална македонска храна, домашно вино и ракија. Во околината на село Крклино, може да се организираат најразлични активности вклучувајќи и велосипедизам.

• Повеќе информаци може да добиете на телефон: 047/286-666