Одбројуваме: Прво место кое мора да го посетите пред да биде доцна!

Морето во кое никогаш неможеш да потонеш, колку и да не знаеш да пливаш се најде на листата на најзагрозени места. За Мртво Море се вели дека е најсоленото место на Земјата. Тоа е центар на многу истражувања и испитувања поврзани со медицината. 

Во изминатите 40 години, ова море е оштетено од ископувањата и производството на минерални козметички компании, но дури и од земјоделците. Поради големото количество сол, многу компании производители на сол, постојано вршат ископувања на морето. Со тоа ова море изгуби една третина од својата површина. Да бидат работите уште полоши, се појавуваат огромни дупки каде водата се повлекува. Водата се одалекува од првичното крајбрежјето по околу три метри годишно, што се претставува дека за помалку од 50 години ова море ќе го снема.

За оние кои што ги интересира повеќе ова солено езеро е послано на 416 м под нивото на морето, на крајот на долината на реката Јордан, во северниот дел на големиот расед. На некои места длабочината на Мртвото Море е 400 м, што значи дека тоа се наоѓа на 0.8 км под нивото на морето. Опкружено со голи јудејски ридови од западната страна и висорамнината на библиските градови Моаб и Едон на исток, Мртвото Море се протега по долината и има должина од 80 км. Полуостровот Ел Лисан (што значи „јазик”) го дели морето на два дела: северниот е поголем и подлабок, а во јужниот се сконцентрирани солените столбови. Тие дебели наслојки почнале да се формираат пред повеќе од 2 милиони години.