Дали сте слушнале за селото Издеглавје? Од денеска имаме сместување достапно за вас, токму во ова селце!

Тимот на Кајак.мк додава сместувања и ве води на места за кои сигурни сме дека многумина од вас првпат ќе слушнат! Денеска ве водиме во село Издеглавје, недалеку од „Славна Дебарца“ и на 750 метри надморска височина. Во ова селце имаме нова вила достпна за изнајмување за цело друштво, а идеална за со мали деца кои може да уживаат играјќи во пространиот двор.

Во срцето на планините, само 25 километри од Охрид, се наоѓа пространа и убава вила во селото Издеглавје – совршено место за одмор далеку од градската врева. Со пристапен пат, сместена во природна средина богата со реки, извори и шуми, оваа вила нуди мир, тишина и просторност за сите оние кои сакаат да избегаат од секојдневието.

Вилата располага со шест соби за спиење, дневна соба, целосно опремена кујна и купатило. Има вкупно петнаесет кревети, од кои единаесет се поединечни, а два се брачни. Просторот е функционално уреден за сместување до петнаесет лица, идеален за групни престои, семејни одмори, викенд дружења или поголеми собири.

На располагање е и голема летна бавча со зелена површина од 3.500 квадратни метри, каде што се наоѓаат скара, фурна, саќ за гомлезе, лонец за чорби и нишалки за деца.

За љубителите на кампување, во истиот простор е достапен дел за кампери, со можност за користење на кујна, тоалет и скара. Цената за кампинг престој изнесува 30 евра по возило.

Доколку сакате повеќе информации за сместувањето, кликнете ОВДЕ.