Вила со базен на Плачковица

За сите дигитални номади и луѓе талкачи по уникатни отцепени сместувања од градскиот хаос, тимот на Кајак.мк денеска ги води во село Козјак кое е оддалечено 12 километри од Штип, во самото подножје на планината Плачковица.

Мисијата на Кајак.мк е до крајот на постоењето на платформата да успее да ги агрегира сите уникатни сместувања во Македонија и да докаже дека кај нас дома, можеме да уживаме на начин на кој секој странски турист ужива во земјите како Франција, Италија, Шпанија, Грција...

Од тие причини, денеска ќе ве запознаеме со домаќинот Игор, кој ги отвори вратите на Vila Bagatelle за светот на Кајак.мк и овозможи едно поинакво искуство за време на вашиот престој во сместувачки објект во Македонија. Игор вели дека вилата го добила името по локалитетот Баргада кој е на само 500 метри од сместувањето, а кој е вистинска атракција за сите посетители.

Вилата нема соседи во радиус од 200 метри, а во најблиските соседни куќи живеат луѓе кои се доста љубезни и гостопримливи. Овој факт ја прави вилата и околината мирно место за одмор и релаксација.

Во непосредна близина на сместувањето се наоѓа Козјачката река што е уште еден предлог за дневна активност во природа. Може да прошетате и низ Плачковица по маркирана патека која води до самиот врв. За сите велосипедисти, наш предлог е да ги понесат своите велосипеди, бидејќи селото Козјак има одлични терени за велосипедизам.

Вилата има доста простран двор со сопствен базен, а има и капацитет за две семејства или поголемо друштво. Не се изоставува можноста да организирате тим билдинг патување на помала компанија.

Повеќе информации, фотографии и контакт за резервација можете да најдете со еден клик ОВДЕ.