Најзагадените градови во светот забележуваат невиден пад на загадувањето на воздухот

Главните градови кои останаа во мирување за време на коронавирусот имаат еден позитивен бенефит. А тоа е прочистениот воздух.

Анализата на IQAir, глобална информативна и технолошка компанија за квалитет на воздухот, покажува дека за време од тринеделен период при карантин, загаденоста во поголемите градови е намалена за дури 60 проценти во споредба со 2019-та година.

Истражувачите студирале 10 најголеми градови низ целиот свет каде има огромен број на случаи на СОВИД-19 но и строги мерки на карантин и извршиле споредба со претходните години. Седум од 10-те студирани градови, вклучително и Њу Делхи, Сеул, Вухан и Мумбаи, забележале значително подобрување на квалитетот на воздухот и PM2.5 честичките.

Њу Делхи, кој често се рангира како најзагаден град во светот, забележа намалување од 60 проценти во однос на нивото на PM2,5 помеѓу 23-ти март и 13-ти април, од истиот период во споредба со минатата година.

Во Сеул, имаше пад од 54% на PM2,5 помеѓу 26-ти февруари и 18-ти март, а Вухан - од каде потекнува вирусот - регистрираше пад од 44% на нивото на загаденост на воздухот помеѓу 26-ти февруари и 18-ти март.

Лос Анџелес исто така уживаше во чистиот воздух, кој е забележан како рекорд, при што нивото на PM2,5 е намалено за 51 отсто во однос на претходните четири години. 

Намалувањето на загаденоста на воздухот низ целиот свет е многу очигледно. Во Северна Индија, Хималаите одеднаш беа видливи по строгиот карантин. 

(ЧИТАЈ ПОВЕЌЕ: Луѓето во Индија можат да ги видат Хималаите за прв пат после децении)