19.08.2020

Хотелот Китка: Рај за сите љубители на активниот туризам

Хотелот Китка: Рај за сите љубители на активниот туризам

Во изминатите месеци се повеќе се атрактивни локациите ширум државата кои нудат активен одмор. Под активен одмор подразбираме дека поркај сместувањето, се нуди и нешто повеќе. Кајак.мк на сите љубители на велосипедизмот им го препорачува хостелот „Китка“. Место каде може да одморите на планина, чист воздух, мирис на природа и вистинско локално доживување.

Хостелот Китка се наоѓа во село Вратница која е сместена во областа Полог (Долен Полог), во подножјето на планинскиот врв Љуботен (2.498 м на Шар Планина). Надморската височина се движи од 700-760 метри што се смета за природна бања. Во близина на селото се наоѓа и реката Ракита (Раќита), која се влива во Вардар.

Селото се наоѓа на магистралниот пат кој води од градот Тетово до граничниот премин Јажинце на македонско-косовската граница. Од градот Тетово е оддалечено 22 километри и е на само 5 километри од Јажинце.


Порано, селото претставувало општинско средиште на истоимената општина, во која влегувале и селата Јажинце, Рогачево, Старо Село, Беловиште и Орашје, додека денес селото е дел од проширената Општина Јегуновце.


Денеска зборуваме за уште една успешна приказна во развивање на туризмот во овој предел. Доколку го погледнете хостелот „Китка“ на Букинг, ќе забележите дека има оценка од 9.7, што е огромна реткост кај сместувачките капацитети.
Што го прави овој хостел толку добар?

Пред се, гостопримливоста на персоналот. Овде ќе биде почастени со едно топло добредојде и куп совети и препораки за тоа што треба да се посети во околината. Храната која ја приготвуваат на традиционален домашен начин е извонредна, а рецептите, ќе ги криеме во тајност.

Секое утро, како што велат и сопствениците на хостелот, погледот кон врвот Љуботен е тоа што им вели „Добро утро“ на гостите. После појадокот неизбежни е да се истражуваат убавините и височините на Шара, како и величенствениот врв Љуботен кој можете да го посетите пеш или со организиран превоз од хостелот.

Она што е доста интересно, а не би биле рамнодушни доколку не го споменеме е фактот дека хостелот располага со велосипеди за адреналински возења. Се со цел да биде одморот уште поинтересен, гостите може да изнајмат велосипед и да ги посетат езерото во Голина, манастирот Константин и Елена, да возат покрај реката Раќита и воденицата на „Дедо Раде“. Но исто така, велосипедите служат и за посета на околните села, како и потешката вело тура кон Љуботен која се организира со водич по маркирани патеки. Ваквите МТВ велосипеди се преку програмата И.М.Е и Швајцарската амбасада.

Сопствениците велат дека покрај сместувањето внатре во хостелот, на гостите им се пружи можност да постават шатор во нивниот зелен двор и да уживаат под ѕвезденото небо. Храната е таа која ги купила досегашните гости во „Китка“. Утрото овде започнува со ладен или топол планински чај собран од Шара, со домашен мед од вредните пчели на хостелот.

Овде специјалитети се традиционалните јадења како вргањ подготвен на локален начин, пита, домашно овчо сирење, а исто така ви препорачуваме да ги посетите околните ресторани.Овде можете сами да си направите своја салата, по ваш вкус, дирекно од зеленчуковата градина на хостелот. 

За повеќе информации ви препорачуваме да се јавите на: 070 603 383


Можеби сакате море? Патувајте без PCR тест. Информирајте се на: 076 791 157




Остави Коментар

Прочитајте повеќе

Актуелни планински сместувања во Македонија – совршен избор за свеж воздух и авантура

Откријте различни типови планински сместувања – од хотели и традиционални вили до дрвени куќички и несекојдневни еко-акомудации. Совети за избор на идеално место за одмор во природа.

20.11.2025 13:07 Повеќе
Го напуштиме градот и се преселивме на село: Така започна приказната за „Шумска градина“

На Кајак.мк можете да ги запознаете сите локални херои кои прават мали нешта од огромно значење за развојот на туризмот во Македонија. Денеска ви ја раскажуваме приказната за „Шумска Градина“.

19.11.2025 18:25 Повеќе
Преминот од есен во зима: магичен период за патување

Преминот од есен во зима нуди уникатни патувања низ Македонија. Откриј тишина, природна убавина и инспирација за твојата следна авантура.

19.11.2025 13:30 Повеќе
Превозни средства за патување низ светот и Македонија

Откријте најдобрите превозни средства за патување низ Македонија и светот – од автомобили и автобуси до авиони, велосипеди и електрични тротинети. Совети за слободно, удобно и еколошко патување за секоја авантура.

18.11.2025 17:16 Повеќе
Хотел или приватно сместување: како да изберете најдобро за вашето патување

Хотел или приватно сместување? Откријте како да изберете најдобро според стил, буџет и цели на вашето патување.

17.11.2025 13:57 Повеќе
Тим билдинг во Маврово: Планина, чај, активности

Тим билдинг во Маврово: Планина, чај, активности. Тимот на Кајак.мк со уште еден уникатен тим билдинг во Маврово.

17.11.2025 11:08 Повеќе