26.08.2021

Селото Блатец: Идеално место за активен туризам

Селото Блатец: Идеално место за активен туризам

Понекогаш она кое го бараме надалеку, успеваме да го најдеме токму во својата околниа. Тоа и се случи при посетата на преубавиот Блатец од страна на Ана Мариа Павлова.


Иако знаевме за ова село, првпат се одлучивме вистински да го посетиме, разгледувајќи ги манастирите, водопадите и вештачкото езерце. Фотографиравме секаде каде што застанавме бидејќи глетките беа навистина извонредни-почнувајќи од сокриениот водопад до кој моравме да пешачиме заради неговата локација.


Местото изгледаше како мини оаза,обраснато со дрвја и растенија околу водата. Температурата веќе беше пониска заради сенката од дрвјата и конечно можевме да воздивнеме од жештината на летото.


Следната локација беше воденицата која функционираше преку струењето на водата под неа. Бевме изненадени од целиот тој процес како и од реализацијата дека ова е можеби едно од многу ретките места каде што можеме да го набљудуваме мелењето одблизу.


Потоа го посетивме она кое ние го нарековме „езерце”. Влеговме во водата и не можевме а да не и се восхитуваме на планината Плачковица која заедно со езерцето изгледаше извонредно. По кратко пливање ни се придружија и други локални луѓе и животни, правејќи ја нашата авантура уште толку по интересна.


За крај, посетивме познаници во една од куќите од селото завршувајќи го денот со домашна ракија и органски зеленчук. По неколкуте објави за селото на социјалните мрежи, и други беа воодушевени и поттикнати да го посетат местото.

Ана Мариа вели дека нејзини пријатели тоа го направиле уште следната недела, а тие секако не ја пропуштиле шансата повторно да ги посетат овие убавини заедно со нив.


За оние кои не слушнале за ова село, Блатец се наоѓа во село во Општина Виница, оддалечено 10 километри од градот Виница. . Лежи во северното подножје на планината Плачковица, на работ меѓу планинската падина и благо наведнатата езерска површина од некогашното Виничко-Кочанско езеро на надморска височина од 710 метри. Расположено е од двете страни на реката Блатешница. Бидејќи езерската површина на која лежи Блатец е благо наведната, оддалеку куќите изгледаат една над друга.

Остави Коментар

Коментари

  • Ацо Ѓорѓиевски

    12.12.2022 14:46

    Има уште многу убавини што не сте ги посетиле во Блатец. Јас живеам во Блатец и работам активно за да го направам број еден како туристичка дестинација во нашата преубава Македонија. Сега сум заангажиран да направиме пешачка патека која ќе ги поврзува сите цркви и манастири споено со природните убавини на Блатец. Патеката ќе биде долга околу 2,5 км. Поздрав

Прочитајте повеќе

Нови и модерни апартмани во срцето на Скопје

Секој апартман е проектиран со цел да обезбеди максимален комфорт и интимност, опремен со дневна соба, кујна, трапезарија, две спални соби, два тоалети и две тераси, идеални за одмор и уживање.

Нов планински бунгалов на 1200 метри височина достапно за резервации

Сместен на магична надморска височина од 1200 метри, во срцето на недопрената природа која го бакнува Беровското езеро, се отвори уште еден нов бунгалов идеален за еден пар кој сака да ужива во приватноста и спокојот.

Резервирајте ја планинската дрвена куќичка во која никој нема да ве најде

Тимот на Кајак.мк постојано ја надополнува својата база на приватни сместувања со нови уникатни скривалишта за луѓе кои сакаат да одморат глава од напорната работа, од гужвата и хаосот.

Апартман во Берово достапен за секого

Тимот на Кајак.мк ве информира дека од денеска во нашата база на приватни сместувања ни се приклучува уште еден апартман кој може да си го дозволи сечиј џеб.

Запознајте ја стружанката Сара: Младата девојка која изработува накит од овча волна

Материјалите што ги користи Сара се од највисок квалитет и се природни. Овчата волна ја припрема сама, од перењето и чистењето до влачењето и боењето.

Изнајмете вила со приватен базен во Кучково преку Кајак.мк

Уште едно ново сместување со базен за оние кои сакаат да имаат апсолутна приватност!