11.03.2022

Всипуваме доза адреналин преку тим-билдинг турнирите во нашиот парк

Всипуваме доза адреналин преку тим-билдинг турнирите во нашиот парк

Не би се согласиле со луѓето кои велат дека во Скопје нема што да се прави во слободно време, а ни најмалку не би се согласиле дека скопјани не можат да бидат физички активни во нивниот град.

На ваквите табу теми му пркоси новиот „Адреналински парк“ кој е отворен за луѓето кои бараат место каде ќе може да го ослободат својот авантуристички дух, но и за луѓето кои бараат мирно и тивко место каде би можеле да го испијат своето кафе.


Месец март ни навестува нова пролетна и летна сезона. Период кога започнуваме да ги вадиме нашите спортски маички и шорцеви и да му се посветиме на сонцето кое секој ден се повеќе ни ѕирка.

Месец март е идеален и за кафе муабет со тимот на „Адреналинскиот парк во Скопје“.

Од паркот ни раскажуваат дека како идеја, ова е едно успешно надополнување на „Спортско Качувачкиот Стадион Карпош“, тениските игралишта и скејт делот. Притоа, кога се проектирал целиот спортско рекреативен центар, се следеле последните трендови во делот на outdoor активностите и авантурата, кои се практикуваат во западните и поразвиени држави.


Во првата половина од стартот на паркот, пазарот потврдил дека на Општина Карпош и на Град Скопје му недостасувала ваква атракција. Тие додаваат дека се горди на фактот затоа што паркот е почеток на едно ново авантуристичко доживување кое ќе понуди нешто ново на градот.


Паркот има 3 нивоа, поделени по комплицираност и тежина за поминување. Првото ниво е ниво за загревање и запознавање со авантурата. Ова ниво е и за најмладите, деца со возраст од 6 до 8 години. Секако, го корситат сите гости но е идеално за најмладите.

Потоа следува второ ниво, покомплицирана патека која бара фокус, некоја просечна физичка припрема и секако “стомак за адреналин“.

Третото ниво, кое е именувано како „Нинџа ниво“ е подобно за организирање соодветни натпревари за ваков тип на паркови. Ова е најтешкото и има 4 посебни компликации и бара физичка издржливост.


За крај, како забава за сите возрасти е поставен зип лајн, долг околу 60 метри, со просечна брзина на летање од 30km/h. Секое ниво е составено од 8 посебни елементи, кои бараат различен сет на вештини и способности за да се надминат. Во просек, се поминува за 1 час и притоа, авантурата согорува околу 650 калории.


Од организацијата на паркот велат дека интересот за организирање на еднодневни тил-билдин настани е голем, што е сосема очекувано затоа што паркот нуди одлична содржина за сите возрасти и е погоден за секоја физичка форма. Активностите кои ги нудат бараат тимски дух и соработка, но во исто се и колаборативни но и компетитивни активности за ривалски тимови.


Просторот околу паркот исто така нуди можности и за слободни активности и закуска, што секако е голем плус за компаниите. Покај тим билдинг, од таму велат дека полека стануваат омилено место за прослава на родендени, каде децата со неизмерна среќа и радост ја вкусуваат авантурата што паркот ја нуди.


Адреналинскиот парк во Карпош е прв и единствен таков парк во Скопје, кој донесе свежина и нови содржини, баш кога е најпотребно. Паркот е на 1000м2, отворен простор кој иако на 5 минути од центар, сепак делува доста изолирано и нуди прекрасна атмосфера и за опуштање и за адреналински дружби. Капацитетот е исто така предност, затоа што може да прими поглем број на гости во исто време.


Во паркот работат лиценцирани инструктори согласно Европските стандарди, поседуваат лиценци со ISO стандард број и се спремни секогаш да се погрижат за сите гости да го доживеат максимално исксутвото што го нуди адреналинскиот парк.


За комуникација со „Авантуристичкот Парк“ можете да се обратите на социјалните мрежи фејсбук, инстаграм, и тик-ток под називот „Adventure park Skopje“, а исто така можете да ги контактирате на 077 500 439. Покрај тоа, сите евентуални барања за соработка можат да се испратат на [email protected]

Остави Коментар

Прочитајте повеќе

Џакузи под отворено небо во Македонија: Вила достапна на Кајак.мк

На Кајак.мк конечно можете да најдете сместување со приватно џакузи под отворено небо.

Македонија ја доби најуникатната планинска дрвена куќичка за престој

Кајак.мк е платформа која секогаш прва ги соопштува сите новитети во Македонија, и со особено задоволство објавуваме дека земјата можеби го добива едно од најуникатните планински сместувања во североисточниот дел.

Ова не е во Швајцарија — Ова е Македонија! Нов планински хотел со поглед кој освојува

Хотел Белица во Горна Белица. Нов и модерно реновиран хотел кој мора да го посетите!

Вила со базен со солена вода, џакузи и сауна во Дојран достапна на Кајак.мк

Сместувањата во Дојран добиваат силна конкуренција со појавата на нова, модерна вила која нуди врвно уживање и релаксација. Располага со базен со солена вода, џакузи и сауна – совршена комбинација за одмор и опуштање.

Успешен тим билдинг со SEMOS CLOUD: Море, сонце и тимски победи!

Тим билдинг со SEMOS CLOUD: Tимски дух и позитивна енергија. Зарем не посакува човек да работи во една ваква компанија?

Аристократ продолжува да сади иднина – годинава во Неготино!

Тим билдинг со етно музика, традиционални игри и вкусна локална храна, ја заокруживме уште една незаборавна авантура.