Диви кози навалија во град во Велс за време на пандемијата!

Ландудно, Велс (Ројтерс) - Стадо од кози од Кашмир го „нападнале“ велското приморско одморалиште откако земјата прогласи вонредна состојба со изолација на граѓаните, а со тоа ги остави празни улиците.

dailypost.co.uk

Животните кои нормално се движат до блиското крајбрежје на отвореното ирско море, овој пат се решиле да се почастат со храна од Ландудно, градот кој изминатите три дена е нивната трпеза со градинарска жива ограда и цвеќиња. 

Како и другите земји погодени од глобалната криза со коронавирус, Велика Британија воведе строги мерки за социјално дистанцирање, вклучувајќи затворање на продавници и училишта, а властите бараат сите да останат дома, освен за најнеопходните работи да се напушта домот. 

Со тоа улиците на Ландудно се мирни без никакви движења, а тоа на дивите животни им овозможува слобода на движење. 

Градскиот советник Керол Марруби изјави дека козите вообичаено не доаѓале во градот, но во оваа пригода таа изјави дека веројатно сфатиле дека нешто е невообичаено за градот да е толку тивок и мирен, па се решиле да влезат.