Трчањето на планина го промени мојот живот во целост

За нашиот нов локален херој Христијан Насевски од Прилеп кој има само 25 години, Македонија е идеална земја за развој на активниот туризам и спортувањето во природа. Ниски и високи планини, шуми, рамници, снег и сонце.

Тој ни раскажува дека многу од странските туристи и негови пријатели кои ги посетуваат outdoor настаните во Македонија или пак се натпреваруваат на планинските трки имаат доста позитивни импресии од рејлефот на земјата.

Христијан е млад и активен спортист кој се занимава со планинско трчање, независно од годишното време. Негова пасија му е ориентацијата- трчање во планина или урбана средина со мапа и компас каде што целта е да се пронајдат контролните точки на терен според распоред нацртан на мапата.

Љубовта кон спортувањето во природата и активниот туризам ја стекнува уште како мал кога на свои 7 години имал прекумерента тежина, против која решил  да војува користејќи го фудбалот.

Со тек на време Кристијан се заљубува во трчањето на планина. Првата планинска трка ја реализира во 2015-та година на Селечка планина која заедно со својот другар Антонио, успешно ги финишираат 17-те километри со повеќе од 1000 метри позитивна денивелација.

Во 2018-та година ги запознава луѓето од Ориентационит клуб Златоврв од Прилеп со кои денес е заедно и заедно тренираат. Со тек на време, неговиот физички изглед и кондиција се подобруваат, а тоа му овозможува да се натпреварува на едно повисоко ниво, рамо до рамо со најдобрите планински тркачи од Макеоднија.

Голема мотивација и поттик добива од неговиот другар и тренер, Michael Van Baelen од Белгија, кој во моментот живее во Македонија и е дел од клубот „Златоврв“.

За Кристијан омилена планина ќе остане Селечката планина, бидејќи како што вели, на неа пораснал и на неа одвојува најголемо време за своите тренинзи. Но вели дека било кое место во природа, надвор од дома или градска средина е одлично место за спортување. Планини, шуми, реки и езера, а за него добра алтернатива се и градските паркови.

Кога станува збор за дестинации идеални за планинарење или планинско трчање на неговата листа се наоѓаат Солунска Глава на Јакупица, Пелистер на Баба Планина, Попова Шапка, Маврово и Кораб. Додава дека не е потребно да се биде професионален тркач за да се практикува спорот. Според него, секој може да најде 20 минути од денот за физичка активност. Тренингот и спортувањето не се само професија, тоа е забава, дружење и живот со стил.