Ги следам чекорите на мојот татко: Тој ми помага за да создадеме уникатни дела

Денеска на Кајак.мк ја отвораме продавницата на Лидија, за која нашиот тим пишуваше пред извесен период. Ако досега ги промовиравме луѓето кои вредат туризам и занаетчиство, денеска преку Кајак.мк може да се нарачат и купат нивните изработки. На ваков начин покрај тоа што ние ја правиме промоцијата, вие ќе им ја дадете дирекната поддршка. Продавницата на Лидија можете да ја погледнете со еден клик ОВДЕ.

Лидија вели дека пред четири години работела во продавница, но решила да продолжи по стапките на нејзиниот татко и да го научи занаетот кој тој го работи. Љубовта кон природата ја поттикнала да започне да произведува разни дрвени куќички со материјали кои ги собира додека е на пешачење.

Нејзиниот татко е долгодишен занаетчија кој изработува разни предмети од дрво. Тој потекнува од планинското село Плаке, од каде го наследува занаетот од неговите предци.

Лидија е убедена во фактот дека да се изработува разни украси од дрво, се што треба е да бидете заљубени во природата. Материјалите кои ги користи за изработка на куќички од дрво ги собира од надвор, а тоа се најчесто суви шумски плодови, шишарки, желади, суви гранки и трска исфрлена на брегот на езерото.

Таа е среќна што после толку години конечно го работи тоа што ја исполнува. Вели дека занаетото се учи ако се има желба и волја. Секоја рачна изработка која е составена со љубов и мерак за неа е нешто вредно. Работата е бавна, прецизна и бара трпение, но на крајот од денот се ќе се исплати.

Купете некој од производите на Лидија и подрете го на вашите најблиски. Така ќе ги направите среќни и локалците и вашите блиски. Кликнете ОВДЕ за да ги погледнете изработките.