02.03.2021

Кампуваме низ цела Македонија, секој авантурист може да ни се придружи

Пролетта ни тропа на врата, југот на Македонија веќе е прилично зелен, а желбата да се скокне во вода се повеќе расте. Март е месец на двоумење! Дали утре ќе падне нов снег или ќе блесне јако сонце. Но како и да е, Македонија започна да се буди од зимскиот сон.

Новата сезона која е пред нас ќе биде дефинитивно во полза на авантуристите, на луѓето кои сакаат мир при патувањето, на луѓето кои сакаат да избегнат гужва и да уживат изолирани во недопрената природа.

Новата година ќе биде година на луѓе како „Overland Adventures Macedonia“. Нив можете да ги погледнете на инста, а овде можете да прочитате нешто повеќе за нив.


Проектот го составуваат поединци вљубени во планината и природата кои повеќе од 10 години ја промовираат Македонија на еден поинаков начин. Нивното друштво се состои од 6 члена, а како што велат тие, секој кој е расположен за добра авантура во Македонија, може да им се придружи.

„Оверлендингот“ е комбинација од повеќедневно Off-Roud“ возење со џипови и кампување во природа на однапред дефинирани рути и локации.


Целта на ваквите тури е да се посетат специфични места за одредени региони, како би ги испромовирале на интернет.

За месец Март предлог од друштвото за кампување се Осоговските планини. Тие велат дека нашата земја е преполна со природни убавини, реки, езера, планини, секој регион е посебен и секој си има свои карактеристики што би оставил посебен впечаток, но бидејќи е се уште ладно препорачуваат кампувањето да биде некаде на пониските места.


Колку денови се идеални за кампување во Македонија, не може да ни одговорат бидејќи како што велат, секогаш им се премалку. Според нив, за да се почувствува реалниот „оверлендинг“ потребно е една недела континуирано возење и кампување со претходно подготвена логистика.

Она што ви е најпотребно при вакво кампување е технички исправно возило, прва помош, топла облека, вреќи за спиење, шатор, доволно вода за пиење, храна однапред предвидена за периодот на авантурата, разни алатки и слично.


За ова лето планот им е да ја извозат цела Македонија долж границите. Ова авантура треба да трае од 10 до 12 денови. Гледано оптимистички се надеваат дека ќе успејат. 

Остави Коментар

Прочитајте повеќе

Вила во природа и на само 10 минути од Смоларскиот водопад

За да ве убедиме да го посетите овој крај, во нашата база на сместувања додаваме уште една одлична вила за престој која е на само 10 минути пешачење од смоларските водопади. Таа е идеална за луѓето кои бараат престој во природа.

Осоговските планини ме прават среќна личност

Денеска ве запознаваме со Катерина Станојковиќ, девојката која обожава да биде активна на македонските планини.

Животните на нашата фарма се одгледуваат во 100% еколошки услови

Кајак.мк ова 2021-ва година ќе се насочи кон истражување на детали, наместо истражување на поголеми туристички светски дестинации.

Резервирајте го овој дом на 1250 мнв без апсолутно никој во соседството

Има денови кога не сакаме никој околу нас, едноставно бараме начин да побегнеме од хаосот и да се олабавиме од стресот. Како што изминуваат деновите, така и базата на Кајак.мк постојано расте со интересни сместувачки капацитети ширум државата.

Престојувајте во македонска традиционална “кујна“

Сместување, апартмани за одмор и престој во Вевчани.

Првиот лет ми беше на 18 години, а оттогаш ми се променија видиците кон нештата

Александар вели дека од денот кога за првпат започнал да лета, работите се промениле. Првиот лет му бил на само 18 години. Денеска неговиот најголем предизвик е да лета на терени кои претходно ги нема посетено.