Во Велес има пикник локација каде се организираат разни настани под отворено небо

Тимот на Кајак.мк денеска ве води во околината на Велес каде што се наоѓа новоотвореното природно и приватно катче именувано „На Островот“.

Ние разговаравме со домаќинот Димче кој ни ги отвори портите за светот на Кајак.мк и ни ја раскажа идејата за ваквиот концепт кој им овоможува уживање на оние кои немаат дворчиња и живеат во станбени комплекси.

Димче вели дека идејата да организираат и изнајмуваат ваков приватен простор кој гарантира природа дошла доста спонтано. На почетокот организирале фамилијарни прослави, но по извесен период блиските пријатели на Димче започнале да го прашуваат дали постои можност да им се изнајми просторот. Со текот на времето тие одлучиле дека ова место кое е опколено со природа треба да биде достапно на секој кој сака да го ужива.

Денеска „На Островот“ се организираат разни приватни семејни настани, а локацијата е идеална и за органзиирање на тим-билдинг настани бидејќи просторот е добро организиран и има се што е потребно.

Неговата локација е на самиот пат кој води од Велес до Башино Село, а повеќе информации и контакт за резервации можете да најдете со еден клик ОВДЕ.