Започнуваме со организирање рафтинг авантури на Тара

За сите наши патувачи и авантуристи кои сакаат да го истражат најголемиот и најубав кањон во Европа- Кањонот Тара, сакаме да ве информираме дека тимот на Кајак.мк заедно со наши парнери од Босна започнуваат со организирање на групни патувања и авантури токму на оваа локација. Што значи групни патувања? Ваквите патувања ги организираме за компании, приватни друштва и инидивидуални групи кои се над 10 лица.

Оваа уникатна дестинација е идеална за сите кои сакаат да го истражат овој предел кој е на самата граница помеѓу Босна и Црна Гора, како и да ги посетат фантастичните предели на двата национинални паркови- Сутјеска и Дурмитор.

Дозволете ни да ви раскажеме за нашата нова понуда. Базата на сместувањето и базата на „Рафтинг на Тара“ се наоѓа покрај самата река Дрина, на еден час од нејзиното спојување со реките Тара и Пива. Околу самата база се прострираат зелени шуми и кристално чисти води кои ги освојуваат срцата на сите авантуристи.

Во самиот регион се организираат разни рафтинг тури, фото-сафари, јавање на коњи, зип-лајн, пејнтболм и возење на AVT мотори.

Нашите патувања кои ќе ги организираме овде се наменети за групи над 10 лица, кои имаат вклучено две ноќевања во прекрасни бунгалови за две, три, четири или пет лица, а кои се опремени со сопствено купатило и тоалет. Вклучен појадок, ручек и вечера која е 100% домашна храна и која соодржи говедски и телешки специјалитети, скара, појадок со домашна пршута, сирење, крем, сланина, локални компири, а за вегетаријанци и вегани има посебни вкусни оброци со локални намирници.

Покрај рафтингот, во самата база има и бар кој им е на располагање на гостите, а во кој се организраат разни забави со локални бендови и изведувачи.

За групите кои се заинтересирани за вакви авантури, повеќе информации, фотографии како и опција за испраќање на барање за резервација на термин може да најдат со еден клик ОВДЕ.