Викенд дестинација: Село Истибања и ресторанот Саваро

Нашиот гастро караван движи низ Македонија со брзината на светлината. Скоро секој ден ве запознаваме со нови попатни гастрономски дестинации каде можете да се нагостите со одлични специјалитети.

Покрај храната, тимот на Кајак.мк настојува да ве запознае и со околината кадешто е стационирана нашата гастрономска дестинација, како би можеле да го исполните вашиот слободен викенд со активности во природа.

Од денеска во нашата база на „Гастрономија“ е ресторанот Саваро, кој се наоѓа на магистралниот пат од Истибања до Македонска Каменица. За оние кои не слушнале за село Истибања, во ова селце големо туристички потенцијал имаат лековитите геотермални бањи. Низ селото тече реката Брегалница, а над селото се наоѓа Истбањската брана и кањонот на реката Брегалница.

Оние кои ќе се одлучат да го посетат ресторанот им препорачуваме да ги посетат двете цркви посветени на Св.Петка и Св.Стефан. Секоја година во септември во селото се оддржува и фолклорен фестивал „Здравоживо“ на кој има доста групи од Македонија и светот.

Домаќините кои ни ги отворија вратите за ресторанот Саваро велат дека објектот работи од 2007та година и до него можете да пристигнете со било каво возило бидејќи имаат голем сопствен паркинг.

Уникатноста на ресторанот е во местоположбата, бидејќи околу ресторанот има природа, зеленило, река, а објектот има голем и простран двор со трева, дрвца и парк за мали деца со разни реквизити.

Гостите бараат локации кои што се надвор од метежот и гужвата, од тие причини чето го посетуваат ресторанот.

Како специјалитети се издвојуваат „Саваро салата“ и поховани тиквички. Исто така, скараа и мучкавицата како специјалитет. Но дефинитивно најбарани специјалитети се издвујуваат рибата, како крапот и пастрмката.

Доколку сакате повеќе контакт за резервација, кликнете ОВДЕ.