Ако некогаш појдете во Битола посетете ја винаријата Чифлик

За сите носталгичари по пролетта и оние кои со нетрпение го чекаат повторното зазеленување на природата се со цел да прошетат, тимот на Кајак.мк започна да ја спреми новата листа на гастро дестинации кои треба задолжително да се посетат оваа пролет.

Денеска ве водиме во винаријата Чифлик, која од денес е дел од нашата база на Гастрономија, а која можете да ја контактирате со еден клик ОВДЕ.

Прва многу битна причина поради која ви ја препорачуваме винаријата Чифлик е нејзината местоположба. Сместена е во падините на планината Баба или како што милуваме да речеме Пелистер. Идеална клима за летните денови, а доста пријатно место за уживање во текот на цела пролет.

Винаријата работи во текот на цела година. Оние кои ќе се решат да поминат викендот на ручек во винаријата, ние како туристичка платформа ги советуваме да го посетат и селото Брусник кое е проголтано од прекрасната природа. Селцето се наоѓа на надморска височина од 850 метри.

Фото: Bitola.info

Винаријата Чифлик е семејна винарија специјализирана во современото производство на вино со комбинација на традиционални рецепти кои семејството ги негува повеќе од 100 години.

Самата винарија има вински ресторан, прекрасни тераси и градии каде можете да уживате во вашиот ручек или вечера. Покрај ресторанот, самата винарија има вински подрум каде се одвива производствениот процес и просторија за дегустација на виното.

Точната локација, како и контакт број за резервации можете да најдете со еден клик ОВДЕ.