Ова место постои во Македонија

Вашиот виртуелен водич „Кајак.мк“ продолжува да добива различни предлог места од Македонија. Како предлог место кое ни го испрати Владо Данилов е браната „Гратче“ која се наоѓа недалеку од Кочани. Тоа е вештачко езеро сместено во подножјето на Осоговските Планини, оддалечено околу 6 км на север од Кочани.

Изградена е во 1959 година кај некогашното село Долно Гратче. Браната е армирано-бетонска со височина од 46 метри, должина на преградниот ѕид изнесува 150 метри и се наоѓа на надморска височина од 467 метри.

Езерото е долго 3,5 км, а широко 0,2 км, со најголема длабочина од 29 метри. Површината на акумулацијата изнесува 0,19 км2, акумулира вода од 2,4 милиони м3 која се користи за индустриски потреби и за наводнување на 576 хектари.

Освен стопански, езерото Гратче има и туристичко-рекреативен карактер, а на неговиот брег има два објекта со угостителски карактер и хотел. 

Информации од читатели:

- Задолжително носење аутан;
- Лицата кои се алергични на комарци задолжително да се консултираат со лекар