Стартува нова Авантура на Осоговските Планини: Возбудливи ATV Тури за групи од 6 до 10 лица!

Со доаѓањето на пролетта и првомајските празници, новата сезона на ATV турите на Осоговските планини носи невидена возбуда и авантура. Почнувајќи од 1-ви мај 2024 година, вашиот пат до незаборавни искуства тимот на Кајак.мк го надополнува со нов предизвик на Осоговските Планини.

Заедно со M Adventures започнуваме со организирање на разни АТВ тури кои може да траат од еден час до целодневно истражување. На ваквите АТВ тури може да се пријават групи од 4 до 10 лица, а за секој од присутните има обезбедено кацига и видеозапис со GoPro.

Искуството се збогатува со професионално снимени моменти од вашата авантура, меморирани со дронови и професионални апарати.

За оние кои сакаат да продолжат со авантурата, понуден е и кампинг пакет со целосно опремени шатори, удобни лежалки и сè што е потребно за идеално кампување под ѕвездите. Комбинирајте ATV возење со кампување и заштедете, додека уживате во природата и авантурата.

Турите ќе ве носат низ живописните локации на Осоговските планини, како што се Св. Јоаким Осоговски, Калин Камен, Руен и Царев Врв. Турите започнуваат од Крива Паланка, каде што авантурата добива ново значење со секој чекор напред.

Максималниот број на лица кои може да бидат во група е до 10 луѓе, каде секоја авантура е прилагодена на вашите желби и можности.

Повеќе информации, фотографии, цени и опција за он-лајн резервација ќе најдете со еден клик ОВДЕ.