Куќарките покрај реката Треска достапни за престојување

По вчерашното четиво кое го објави платформата Кајак.мк, а во кое пишувавме за предностите од посетата на рибниот ресторан „Извор“, денеска ве информираме дека го приклучуваме истоименото сместување на нашата платформа.

Базата на Кајак.мк бележи над 430 сместувања, а сите нови кои сакаат да ни се приклучат треба само да го пополнат формуларот кој ќе го најдат со еден клик ОВДЕ.

Сместувањето се наоѓа во Долни Манастирец, во склоп на самиот рибен ресторан Извор. Располага со 7 куќарки кои имаат по две соби, спална соба или двокреветна соба, дневен престој, кујна и тоалет.

Околината е идеална за оние кои се љубители на активниот туризам. Недалеку од сместувањето се наоѓа Слатинскиот водопад до кој можете да си организирате пешачка тура. Тревното дворче коешто се наоѓа пред куќарките е идеално за практикување јога или медитирање во текот на пролетта и летото. Шумот од реката Треска доцна во ноќта ќе ви ги опушти сите сетила.

Сместувањето е идеално и за фамилијарни или тим-билдинг патувања, бидејќи има капацитет за 40 лица.

Повеќе информации, фотографии и контакт за резервација ќе најдете со еден клик ОВДЕ.