Во Македонија има село како Ботушје каде освен спокојот има и што да се прави

Многу од нашите читатели/патници не прашаа каде може да побегнат во Македонија “БЕЗ НИКОЈ ДА ГИ ВИДЕ“. За денеска ви го препорачуваме Долно Ботушје или Горно Ботушје (Ботуше) кое е село во западниот дел на Општина Македонски Брод, западна Македонија, на границата со Општина Гостивар. Овие фотографии ги направи Перица Савески. 

Селото се наоѓа во областа Горно Порече, на источните падини на планината Добра Вода каде можете да најете мали речни водопади. Северната атарска граница ја исцртува Ботушка Река, десна притока на Мала Река, која пак е најголема лева притока на Треска.

Селото се споменува во турските пописни дефтери од 1467/68 година, како дел од Кичевската нахија (Nahiye-I Kirçova) и имало 57 семејства и 4 неженети, сите христијани.

Во XIX век Долно Ботушје било село во Поречката нахија на Кичевската каза. Според „Етнографија на вилаетите Адријанопол, Монастир и Салоника“, во 1873 г. Ботуше (Горно и Долно) (Bétouché) имало 26 домаќинства со вкупно 108 жители Македонци.

Покрај печурките кои може да ги најдете никнати во околината на селата, пешачењето покрај реката, вие можете да ги посетите и двете верски објекти:

• „Св. Никола“ („Св. Јован“) — црква, изградена во 1915 г.
• „Успение на Пресвета Богородица“ — манастир