Подгответе го велосипедот, време е да го посетите Ротинското езеро!

Вакво сонце како што ни нуди месецот ноеври е идеално за да ги користиме слободните денови на планина. Но знаете дека нашиот тим ретко препорачува целта да се освојува со автомобил? Во замена за вашиот автомобил, ние ви предлагаме да го понесете вашиот велосипед, а ако се уште немате велосипед, тогаш можеби сега е вистинското време да набавите.

@markomons

Како денешна дестинација која ви препорачуваме да ја посетите со велосипед е Ротинското езеро. Ова е вештачка акулулација на Ротинската река која е западно од истоименото село. Ова езеро се наоѓа на планината Баба, или како што ние од Кајак.мк умееме да кажеме- Пелистер.

Во непосредна близина на езерото поминуваат велосипедски и пешачки патеки што ја прават ова локална дестинација идеална за велосипедисти.

@mojsoskiii

Како да стигнете до езерото?
Од центарот на Битола до центарот на село Ротино води асфалтен пат во должина од 13 километри Од центарот на село Ротино, јужно до манастирот Св. Илија сместен на периферијата на селото, води тесен земјен пат кој е погоден и за лесни коли, меѓутоа идеален за целодневно пешачење или велосипедизам. Во близина на Манастирот има излетничкото место. Од тука, до Езерото кое е оддалечено на околу 250 метри води тесна планинарска патека.

@guguchevski

Кои културни и природни знаменитости може да ги посетите:
Црква „Св. Никола Долни“ - главната селска црква изградена во 1870 година
Црква „Св. Никола Горни“ — гробјанска црква
Црква „Св. Илија“ - главната манастирска црква на Ротинскиот манастир
Арнаутски Пат— пат од римско време;
Манастирска Црква — населба од среден век
Стара Црква — црква и некропола од среден век
Старо Село — населба од римско време