Дишам за добра патувачка фотографија во Македонија

Тимот на Кајак.мк е среќен што денеска запозна уште една млада и амбициозна личност која прави мали нешта од огромно значење во промоција на туризмот во Македонија. Ана Петроска е нашата нова локална хероина која преку својот објектив промовира разни дестинации ширум земјата на кои може да отпатувате макар и на еден викенд. 

Живее во Скопје, но среќата и помогнала да патува постојано низ државата. Нејзиниот проект justaphoto.ap (instagram) е создаден да ги брендира аматерските фотографии се со цел да промовира разни уникатни места во Струга.

Ана вели дека една од работите по кои луѓето ја познаваат е секако фотографијата. Очекува во иднина ова да и биде доминантната работа по која ќе биде препознатлива. Во фокус на нејзините фотографии се пејзажите но сака да ја претставува и убавината на градовите.

„На пример, градот Крушево можете да го фотографите од повеќе страни на градот и самата поставеност на куќите и улиците е совршен материјал за добра и популарна фотографија. Езерските пејзажи од Езерски Лозја и Струга се уште една неисрпна инспирација“, вели Ана.

Таа додава дека се што е потребно да се направи една добра фотографија се пристојна камера и почитување на неколку правила за фотографирање. Кога се работи за нејзиното родно место, за Скопје, најчесто фотографира места кои секојдневно ги посетува и се обидува да докаже дека градот има навистина убави места и покрај тоа што не ги забележуваме или им обрнуваме внимание. 

Ана е заљубена во маркетингот. За неа социјалните мрежи се одлично место за промоција и треба да се искористи нивната моќ. 

За неа Скопје, Струга и Крушево се нејзини најомилени градови за фотографирање. Со овие места таа е емоционално, традиционално и историски поврзана. Затоа доминираат фотографиите од овие места. Но, што е уникатно? За Струга секако е езерото, за Крушево е природата, односно околните шуми и планини, а Скопје е една градска средина која заслужува внимание преку фотографија.

За оние кои се љубопитни за работата на Ана и нејзините фотографии, може да го заследат нејзиниот инста профил: justaphoto.ap