Предлог гастро викенд дестинација: Во Извор

Деновиве тимот на Кајак.мк ќе ви направи детално претставување на гастрономската мапа на Вевчани. Места кои треба задолжително да ги посетите и да вкусите локални специјалитети.

Во текот на вчерашниот ден ве прошетавме низ „Домаќинска куќа“ чија приказна ни ја раскажа господинот Глигор, а која можете да ја прочитате со еден клик ОВДЕ.

Денеска ве водиме непосредно до самите вевчански извори, каде под длабока и бујна сенка се наоѓа гостилницата „Во Извор“.

Од едната страна жуборот на реката, а од другата страна бујна вегетација. Локацијата е извонредна, велат сите кои биле гости во гостилницата, а кога зборуваме за специјалитетите, тимот на Кајак.мк ви предлага да вкусите речна пастрмка која можете сами да ја уловите. Гостилницата е позната и по домашните колбаси, Вевчанската тава како и дименото месо кое сигурно ќе ви го мамаи погледот.

Ресторанот се наоѓа на самиот вруток. Внатрешниот амбиент е традиционален и современ дизајн. Ресторанот располага со капацитет со 80 места преку зима, а 120 места преку летниот период.

Повеќе информации, фотографии и контакт за резервација можете да најдете со еден клик ОВДЕ.