Вила во Демир Капија: Природа, активен туризам и гастрономија

Холаааа! Тимот на Кајак.мк е среќен што денеска го споделува со вас првото сместување во Демир Капија. Нашата база се шири доста динамично и како што и ви ветивме, до крајот на годината сакаме да достигнеме и до 400 уникатни сместувања кои можете да ги резервирате со еден клик.

За вилата велиме дека е уникатно сместување, во уникатен регион кој вреди да го истражите. Демир Капија ви звучи мала на име, но голема на локалитети и приказни со кои мора да се запознаете.

Тимот на Кајак.мк како прва предлог дестинација Ви го потенцира село Клисура кое е на околу час пешачење од Демир Капија.

Во село Клисура може да ја посетите локалната црква и долината на кактусите. Атракција каде се прават добри фотографии. Патот до село Клисура е низ прекрасна природа и верувајте дека ќе ги наполните батериите до максимум.

Домаќинката Радица која ги отвори вратите за светот на Кајак.мк, вели дека регионот е идеален за тури со велосипеди, искачување по карпи, алпинизам или нуркање во локалните речни корита на реката Бошава.

Во Демир Капија се наоѓаат и две прекрасни винарии. Наш предлог е да ја посетите винаријата Queen Maria, винарија која има прекрасна приказна, прекрасни објекти со стара и автентична архитектура и секако прекрасно вино.

Доколку сакате повеќе информации за вилата, фотографии и контакт за резервација, кликнете ОВДЕ.