Првата традиционална лесновска куќа во која домаќините ви подготвуваат вкусна традиционална храна

Тимот на Кајак.мк е среќен што денеска ќе ве запознае со селското домаќинство Томевски, во кое мора задолжително да престојувате за да ја почувствувате автентичноста на регионот и да доживеете една поинаква уникатна приказна. Приказната за која фамилијата Томевски секогаш се грижи да биде поразлична од она коешто досега сте го доживееле.

Домаќините на ова прекрасна лесновска куќа Томевски имаат домашно производство на сезонски зеленчук и овошје. На гостите секогаш им е на располагање домашната храна која е комбинација од домашни јајца, домашен леб, млечни производи, домашно сушено месо, мед, домашна ракија, мармалади, разновидно слатко, компоти и производи од лековити билки.

Лесновската куќа Томевски се наоѓа недалеку од познатиот Лесновски манастир Св. Гаврил Лесновски кој датира со пишани податоци од крајот на 10-ти век. Фрескописот во црквата е од 14-ти век. Во самата црква се наоѓа гробот на Св. Габрил лесновски спасител од 11-ти век и Св. Гаврил Светогорец Епископ Велички чии чудотворни мошти точат многубројни исцеленија.

Сместувањето има капацитет за 15 лица, што значи дека можете да ги органзирате сите ваши блиски роднини и пријатели и да доживеете едно поразлично искуство за време на викендите или преку работната недела.

Сместувањето е на 900 метри надморска височина, во самиот Лесновски вулкански кратет. Објектот има 4 апартмани и сите апартамни може да бидат двокреветни, трокреветни или четирикреветни.

Ваквото уникатно сместување вреди да биде на вашата листа на задолжителни посети, повеќе информации, фотографии и контакт за резервација ќе најдете со еден клик ОВДЕ.