Кината во Кина повторно отворени, билетите 70 отсто поевтини

Десет големи кинески мултиплекси започнаа заедничка онлајн промотивна кампања со која повторно сакаат да ги привлечат кинеските жители да одат во кино, пишува слободенпечат.мк

„Перфект волрд пикчрс“, „Џинџи синемас“ и „Бона глим груп“ се само некои од големите кинески мултиплекси кои преку заедничка промотивна кампања за намалување на цените на влезниците сакаат да ги поттикнат Кинезите повторно да гледаат филмови на големото платно. Билетите ќе бидат поевтини за дури 70 отсто.

Моментално во кинексите кина се прикажуваат речиси 400 различни филмови, а продажбата на билетите полека се зголемува по многу лошите резултати во февруари оваа година, со само околу 500 милиони долари приходи, што е пад за дури 85 отсто во однос на февруари претходната година, пишува „Сибиз“.

Бидејќи во Кина пандемијата на коронавирусот е под контрола, многу индустрии сакаат да ја повратат претходната доверба кај своите конзументи, а настојуваат да ги привлечат со нови промотивни содржини.

За време на овогодинешните празници кои Кинезите беа приморани да ги поминат дома поради коронавирусот, многу премиери на фикмовите беа одложени или потполно откажани.