Од среда се отвораат аеродромите во Скопје и Охрид

Од среда се отвораат аеродромите во Скопје и Охрид...Ќе се патува според посебни здравствени протоколи за заштита од коронавирус

Вратите на скопскиот и охридскиот аеродром од среда ќе бидат отворени за влез и излез од државата. Првите авиони ќе полетаат во 6 часот наутро, а два часа подоцна и по неколку месечна пауза, ќе слета и првиот авион на скопскиот аеродром. Светлата на аеродромот се запалени, екипажот е подготвен, а персоналот на терен ги прави последните подготовки. Новинарските екипи беа меѓу првите кои стигнаа до пасошката контрола на скопскиот аеродром.

Патниците ќе треба да бидат 3 часа пред нивниот лет на аеродром, а маските се задолжителни вели генералниот директор на ТАВ Македонија, Алпер Ерсој. Секој патник посочи дека ќе подлежи на мерење на телесна температура преку термална камера, а во чекалницата на аеродромот нема да е дозволено седење еден до друг за да се избегне ширењето на вирусот.

Секој од патниците кој што ќе биде сомнителен , министерот Венко Филипче рече дека ќе биде преземен од страна на екипите на Центарот за јавно здравје, а напомена дека во функција ќе биде и собата за изолација.

Во период на отворање на двата аеродроми во земјава, владините претставници кои беа на скопскиот аеродром не дадоа конкретен одговор како ќе се овозможи лет на македонските граѓани во период кога се чека одлука од официјален Брисел за кого се ќе бидат отворени границите на Унијата од први јули.
Извор: Канал5