Вила во село Дурачка Река на 1000 метри надморска височина

Многумина од вас се уште не слушнале за село Дурачка Река, а нам пак ни е многу драго што денеска додаваме сместување кое се наоѓа во регионот на Крива Паланка, регион кој сакаме доста да го разработиме и да темелно да го истражиме со сместувањата кои ги нуди.

Домаќините на вила Ана Марија кои се одлучија да ги отворат своите врати за светот на Кајак.мк велат дека она што го прави ова селце како идеална дестинација за посета е надморската височина која е 1000 метри, а како втора атракција е реката Дурачка која поминува низ самото село.

Тимот на Кајак.мк ве советува да испланирате неколкудневен престој во текот на неделата или викендот се со цел да го истражите регионот. Како совети за тоа што се може да се посети овде би ви ги издвоиле манастирот Св. Јоаким Осоговски и посетата на село Станци во кое село се наоѓа старата воденица и валавница.

На само 25 минути пешачење од село Станци ќе пристигнете до Станечкот водопад кој е опколен со старолетна шума и недпорена природа. Тие кои ќе се одлучат да го посетат водопадот треба да внимаваат на патот до водопадот кој бара поголема физичка подготвеност поради релативната пристапност на теренот.

Вилата Ана Марија е идеална за поголеми друштва. Располага со 10 соби опремени со современ мебел, а секој апартман има свој тоалет и купатило.

Самата позиција на вилата ви нуди прекрасен поглед и дворче кое им е достапно на гостите. Во самото дворче имате простор за подготовка на скара на камен, а низ дворчето имате клупи и масички за седење. Во вилата имате разни соодржини за користење, како шах, карти, табла, доминио и слично.

Доколку сакате повеќе информации, фотографии и контакт за резервација, кликнете ОВДЕ.