Викенд дестинација: Бојков Кладенец! Активирајте ги вашите мускули

Ски сезоната се уште не е официјално отворена, но тоа не значи дека нема други начини за тоа како да бидете физички активни во слободното време. Од планинарење, пешачење или трчање во природа, па можеби и велосипедизам. Љубителите на природата ги запознаваме со уште една одлична дестинација.

Дали некогаш сте слушнале за излетничкото место „Бојков Кладенец“? 

Ова излетничко место се наоѓа во непосредна близина на Мавровското езеро. Идеално место за семејни прошетки кои ви овозможуваат уживање во чистиот воздух и прекрасната природа. 

Местото е уредено со клупи за одмор, чешма и покриен дел со маса на која може да се смести цело семејство.

Во време на пандемија избегнувајте групирање со непознати туристи и внимавајте на растојанието.

Местото е одалечено околу 30 минути пеш од самиот пат кој води на релација Никифорово- Маврово.