Престојувајте во вила Јети: Идеална 365 дена во годината!

Недела е идеален ден за откривање нови атракции во Македонија. Престојната зимска сезона ќе ја поминеме во нашата земја, каде ски центрите ќе функционираат според протоколи за безбедност на здравјето на граѓаните.

За туристите кои не практикуваат скијање, тимот на Кајак.мк ве советува да ја резервирате турата „Пешачење со дрезги на Маврово“

Со оваа активност можете да ја истражувате планината, да уживате во прекрасните сончеви денови со пријателите и да се фотографирате во бесконечниот мавровски бел пејсаж. 

Навистина е лесно да научите. Водичите на Ресторт Маврово ќе ве однесат на лесни и благи патеки за почетните чекори, тие кои имаат желба да прогресираат или пак се искусни во овој спорт, може да им кажат на нашите водичите да продолжат кон подолга и потешка тура.

Ваквиот „спорт“ цел свој живот го практикува и снежниот човек Јети, чие име го носи истоимената вила која ви ја претставуваме денеска. 

За вилата „Јети“ многумина од странските туристи коментираат дека е една од многуте места каде што си поминале феномелално. Одличен ентериер со надворешен рустикален изглед. Вилата е идеална за семејства авантуристи кои се во постојана потрага по автентичното и традиционално сместување. Околината на вилата е зелена, а има и прекрасен поглед кон Мавровско Езеро.

Куќата е лоцирана во Маврово на прекрасна локација на само 20 метри од езерото. Располага со 3 соби со заеднички тоалет, ТВ, кабловска, интернет, кујна, тераса со преубав поглед кон езерото и планината, двор, како и паркинг простор за гостите.