12.04.2021

Феноменална велосипедска тура под шарпланинските села

Феноменална велосипедска тура под шарпланинските села

Ако треба да одберете ден за мотивација, тогаш дефинитивно нека биде- ПОНЕДЕЛНИК. Денешното сонце кое ни кажа добро утро ни навести уште почеток на добра велосипедска сезона. Се надеваме дека годинава ќе има многу повеќе активни велосипедисти, а можеби и дел од нив ќе се одлучат да појдат на одмор со нивните велосипеди. На пример, дали би отишле на одмор со велосипед во Албанија? Пишете ни ги вашите коменти најдоле под самиот текст.


За многоумина сезоната на велосипеди ќе започне наскоро, а за другите таа воопшто нема ни завршено.

Коста Шимбов е човекот кој редовно организира велосипедски тури низ Македонија. Последната тура на релација Скопје - Ломница - Вруток- Скопје ја реалзираше заедно со Влатко Спасовски и Коста Шимбов.

Нивното мото останува непроменето: Истражете ја Македонија преку нејзините села, таму е спокојот кој го нарушува какофоничниот град.


Турата им започнува од Скопје. Оттука возат се до селото Ломница. Ова село спаѓа под Општина Врапчиште, а за да стигнете до него, треба да се движите постојано под пазувите на нашата Шара. Големиот успон пред селото не е воопшто лесен, но, тоа го занемарувате, знаејќи дека пред вас ве чека рајски поглед, вели Коста.


Снегот на Шара го прави овој предел свеж, а врвовите Рудока, Бориславец, Мала и Голема Враца над селото, претставуваат тивки горостаси, а мирот го будат силните ветришта и бучните реки кои снажно извираат од Шар планина.


Коста вели дека по едночасовната пауза за ручек, се упатиле кон Вруток, едно од поубавите места во Полог, од каде извира реката Вардар. За нив ова е краток одмор на очите, гледајќи во рибниците и собирање енергија за назад кон Скопје.


Со изминати 170 километри и со 1450 метри елевација. Прекрасни фотографии и многу енергија.

Тимот на Кајак.мк е радосен што има луѓе како Коста кои постојано ги споделуваат велосипедските тури.

За нас Коста е локален херој кој мотивира. Дали се мотивирате и вие да започнете со активен туризам? Испратете ни ги вашите приказни на [email protected]

Остави Коментар

Прочитајте повеќе

Дали сте слушнале за Етно ресторанот Мариово?

Во срцето на Мариoвскиот крај, ресторанот нуди автентична македонска атмосфера и богато мени со локални специјалитети кои ги оживуваат старите рецепти.

Во Македонија се отвори уште една планинска вила достапна на Кајак.мк

Околината е вистински рај за љубителите на планината и авантурите. Гостите можат да уживаат во планинарење, прошетки низ природата и активности кои го исполнуваат телото и духот.

Ново на Охридско езеро: Дрвено буре за уникатен пикник престој

Во бурето ќе најдете брачен кревет и дополнителни поединечни кревети, што овозможува престој за четири лица.

Предлог викенд дестинација: Етно комплекс Македонско село за автентично доживување на Македонија

„Македонско Село“ е жив етно-комплекс каде традиционалната македонска архитектура, рачните ткаенини и вкусната домашна храна создаваат автентично доживување на нашето културно наследство.

Вила во Охрид со приватно џакузи идеална за романтични парови

За романтичарите кои секојдневно пребаруваат сместувања на Кајак.мк имаме нешто ново во нашата база. Станува збор за вила Дишлиевски која е лоцирана во срцето на Охрид и на само 30 метри од кејот на езерото и 500 метри од градот.

Овој рај е во Македонија: Се отвори планински комплекс со дрвени куќички и базен на Билино

Планински дрвени куќички во Македонија со базен на планината Билино.