Предлог викенд дестинација: Станечки водопад

Со доаѓањето на пролетта, тимот на Кајак.мк чувствува обврска да ве запознае со повеќе дестинации во Македонија, кои може да ви го исполнат слободното време со активности во природа.

Честопати ќе го прочитате изразот „Активен туризам“ со кој Кајак.мк се служи се со цел да ви даде до знаење дека здравиот начин на живеење и позитивната енергија се во коренот на активниот туризам за кој Македонија има огромен потенцијал.

Македонија е планинска земја, има прекрасни дестинации кои се резултат на природата и опкружувањето, а исто така има и вкусна традиционална храна. Активните дестинации и здравата храна се совршена комбинација за оние кои сакаат здрав начи на живеење. Затоа во периодот кој ни престои ќе споделиме доста совети за тоа како да го искористите слободното време со активности во природа и како по активностите да се наградите себеси со добар ручек во локален ресторан или домаќинство.

Денешната предлог дестинација е во регионот на Крива Паланка каде ни се наоѓа Станечкиот водопад.

Водопадот е одлична причина која треба да ве поттикне да го искористите слободниот викенд со активности во природа. Се наоѓа на Козја Река во близина на селото Станци на 8 километри од Крива Паланка. До самото село Станци има асфалтен пат кој е долг 5 километри, а потоа се продолжува по патека која води покрај Козја Река и по 3 километри или 30 минити пешачење низ прекрасна природа се пристигнува до големиот Станечки водопад кој е на надморска височина од 1160 метри и има вода во текот на цела година.

Водопадот е висок 11 метри што е најголем водопад на Осовоските планини. Водопадот истекува во голем природен базен кој се создава од постојаното течение. Теренот до водопадот е релативно достапен и опколен со густа букова шума.

Посетата на Станечкиот водопад можете да ја искомбинирате со посета на рестораните кои се наоѓаат на Калин Камен, а кои можете да ги погледнете и резервирате преку базата на Кајак.мк или со еден клик ОВДЕ.

Не ја пропуштајте можноста да уживате во природата. Ова е идеална комбинација за цело ваше семејство, пријатели или колегијално патување. Доколку сте поголема група, тимот на Кајак.мк ви е на располагање да ви организира еднодневна тура до водопадите со ручек на Калин Камен. Барање за групна организација можете да ни испратите со еден клик ОВДЕ.