Бајковитото Михајлово на Кожуф е достапно за резервации

Возрасните генерации сигурно добро го знаат, а има и такви кои го имаат посетено детското одморалиште „Михајлово“ кое се наоѓа во пазувите на преубавата Кожуф планина.

Тимот на Кајак.мк е среќен што ова сместување од денеска е достапно во базата на Кајак.мк и каде со само еден клик ќе може да разговарате со домаќинот Љупче и да резервирате престојување.

Михајлово не е само детско одмаралиште, објектот има и хотелски капацитет кој е отворен за сите патници и авантуристи вљубеници во планинскиот туризам.

За нашите редовни патувачи кои за првпат се среќаваат со „Михајлово“, би сакале да ги споделиме следните информации.

Ова местенце е лоцирано на 40 километри од Кавадарци  со комплетно реконструиран пат, на надморска височина од 1200 метри и опколено со стара борова шума.

Домаќинот Љупче вели дека објектот нуди прекрасни хотелски адаптирани соби и вкусни оброци подготвени на традиционален начин. Во склоп на објектот се наоѓа стандардизиран ресторан, спортски терени, пешачки стази, а има и услови за планински велосипедизам.

Собите за престој се доста скромни, не се истакнува луксузноста, но најважно е што цените се пристапни и скоро секој може да си дозволи да престојува овде.

Околината и дворот се прекрасни, а зимата е волшебна.

Ова сместување можете да го најдете во нашата база на приватни сместувања во регионот на Кавадарци или пак со еден клик ОВДЕ.