Во село Стојаково се произведува најдоброто домашно зреено месо

Југот на Македонија секогаш изненадува со нешто ново и невообичаено. Ако го разгледаме фактот за тоа кој предел во Македонија континуирано и иновативно се развива, ние во првите пет региони би го ставиле гевгелискиот регион.

Денеска ве водиме во селото Стојаково кое се наоѓа на само неколку километри од ветерниците над Богданци. Селце кое има медитеранска клима и каде честопати може да се сети мирисот на морето, што за некои локални произвдители им нуди одлични услови за производство на зреено месо.

Тимот на Кајак.мк разговараше со Александар кој е дел од производството на разни домашни кулени, пршути, бут, врат и ребра.

Александар вели дека во моментот произведуваат за локалните потреби, но за два до три месеца ќе бидат подготвени своите производи да ги пласираат во бакалницата на Кајак.мк, кои ќе може да се нарачат со еден клик ОВДЕ.

Станува збор за нов производ на пазарот, свежо и домашно производство со месо кое се набавува од локалните фарми каде што се селектира исклучиво квалитетното. Александар вели дека зреените производи се преработуваат во локална селска кланица и во посебна просторија идеална за зреење месо. Со самиот факт дека месото е од локалните жители, Александар вели дека може да се каже оти зрееното месо овде не го произведуваат индивидуални, туку го произведува целото село Стојаково.

Процедурата е многу едноставна, вели тој. Од една страна затоа што во суровината се става само зачин, сол и стартер, а од друга страна е тешка затоа што треба да се внимава на температурата и влагата да не варира повеќе од 1 до 5 степени влага.

Производите "зрееат" минимум 2 месеци во специјализирана комора. Бидејќи станува збор за различни производи и суровини, Александар вели дека не може да се дефинира фиксното време кога производот ќе биде подготвен за трпеза.

Според него, постапката е финализирана во моментот кога еден производ ќе изгуби 50 отсто од водата. За да се постигнат овие резултати, секој производ се проверува еднаш неделно и се запишува датумот и килажата на истиот. Потоа се пакуваат вакумски за да се задржи свежината и вкусот на производот.

Засега на пазарот се нуди кулен и чајна од 150 грама. Акутелен е куленот со назив Тоскана, кој е во форма на лепче. Предноста на овој производ е тоа што нема црево. Неодамна започнале и со зреење на пршути од каре со назив Лонзино, бут со назив Фрикандо и од ребро со назив Панцета.

 Панцетата е уникатна затоа што е ролована и изгледа убава на даска за сервирање. Да не ја изоставиме и кобасицата од тип на кулен ама со сосема друг зачин и поразличен мозаик, и која има назив Bella бидејќи е во бело нетранспарентно црево. Александар вели дека имаат план е да отпочнат со производство на една друга сосема поразчична кобасица со сосема друг зачин и со парчиња пршута внатре.

Како што ви напоменавме на самиот почеток, производите од Rural Foods ќе бидат достапни во текот на есента кога ќе можете да ги нарачате преку бакалницата на Кајак.мк