Бојана Ѓуровска развива нов туризам на нивите во село Годивје

Нашиот еко тим е радосен да ве запознае со уште една еко туристичка атракција која е дел од туристичката понуда на југозападна Македонија. Ова интересна приказна на фејсбук можете да ја најдете како „Китка Дарови“. Станува збор за приказната на Бојана Ѓуровска од Скопје која заминува во село Годивје, Дебрца и развива бизнис преку кој органските производи кои таа ги одгледува на нива ги преработува во разни производи.

Зошто нашиот наслов гласи дека таа развива нова туристичка атракција?
Бојана овозможува на сите гости туристи да се запознаат со живописната околина, историјата и традициите на село Годивје. Преку ова обиколка ќе може да се почуствува пулсот на селото, што и можеби е доста важно за младите генерации кои живеат во градовите.

На гостите туристи им овозможува да берат билки од градината на „Китка Дарови“ во зависност од сезоната на посета, а како што пишува самата на својата страница, последната група туристи имала можност да дегустира козјо сирење, отстоено маслиново масло кое е зачинето со невен и мајчина душица набрани од нивните ниви. Покрај храната, гостите се служат и со лимонада, зачинета со нане и засладена со прав шеќер со сушена мелена лаванда од нивниоте ниви. На повозрасните гости им се нуди и оревка. 

Гостите со помош на Билјана имаат прилика да направат рачно изработен крем за лице и тело со маслена инфузија од лаванда. 

„Китка Дарови“ нуди разни атракции во зависност од сезоната. Од садење билки на нивите, берба на диви растенија и производство. Преку „Китка Дарови“ може да се набават и доста производи, од чаеви, оцет од диви јаболка, миризливи соли за капење, купки и слично. Поради фактот дека сите производи се од органски производи програмата за туристи се вика „Пакет подароци од природата“ што воедно е заштитно мото на нивните производи. 

Сите производи се со брошура за правилна употреба и лековити својства на производите.