Можеби не сте знаеле за македонското Тресонче?

Тресонче — село во Општина Маврово и Ростуше, во областа Мала Река. Селото се наоѓа на Тресонечка Река, која извира во близина на селото. До селото Тресонче води асфалтен пат кој се двои од месноста Бошков Мост од регионалниот пат Дебар — Маврово и продолжува по текот на Мала Река. Патот до селото Тресонче се двои од овој пат и освен до него, води и до селата Росоки и Селце. Се наоѓа во срцето на планината Бистра, во западна Македонија, а е распослано по левата и десната страна на Тресонечка Река, која извира во непосредна близина на селото. Оддалечено е 22 километри источно од градот Дебар.

Син Вир
Фото: @neistrazhenamakedonija

Од северната страна Тресонче е заградено со врвовите Брзовец и Пешкопеја, од исток со Шкрка (Дајдовец) и од југ со ридовите кои почнуваат со Думостол и завршуваат со карпата Соколица. На југ од Тресонче се наоѓа селото Лазарополе.

foto:Petrovskyz

Климата во долината на Тресонечка Река е континентална, а на високите места планинска, односно алпска, која се одликува со големи врнежи снег. Селото се наоѓа во рамките на новосоздадената Општина Маврово и Ростуше, која настанала со територијалната поделба на Македонија во 2004 година. Претходно селото припаѓало на поранешната Општина Ростуша, која со измените во Законот за територијална поделба на Македонија била припоена со Општина Маврови Анови, со што двете општини ја создале новата Општина Маврово и Ростуше, во која денес се наоѓа селото.

foto: Petrovskyz

ШТО ТРЕБА ДА ПОСЕТИТЕ:

Цркви

·         Црква „Св. Петар и Павле“ — главна селска црква, изградена 1844 година

·         Црква „Св. Никола“ — изградена во XVIII век

·         Црква „Св. Јован Крстител“ — црква во селото

·         Црква „Св. Петка“ — параклис надвор од селото

foto: Petrovskyz

Археолошки наоѓалишта

·         Кадиевци — средновековна некропола

·         Петрева Ливада — средновековна некропола

·         Римски Гробишта — средновековна некропола

Природни наоѓалишта

·         Алилица — пештера