Убавините на Македонија преку објективот на Евгениј Хоуп

Под псевдонимот на писателот Евгениј Хоуп се крие Милош Димковски од Куманово кој е инспирација на многу млади луѓе во Македонија. Писател, автостопер, фотограф – со сигурност сте налетале на неговиот профил на Instagram.

Еден викенд со друштво тркнавме до Охрид. Онака на ден-два. Никој немаше претстава дека ќе се појави корона. Решив да го посетам Заливот на коските, бидејќи никој не сакаше да ми прави друштво, тргнав сам. И така сум навикнат на самотнички екскурзии. Баш тие денови ја читав „Валден“ од Хенри Дејвид Торо кога налетав на овој галеб. Молкум го набљудував и наеднаш се сетив на една реченица од книгата. Како однатре да ја почувствував. Торо вели дека никогаш во животот не пронашол толку дружељубив сопатник како самотијата.
Си потврдив себеси. Климнав со главата и решив да не реметам туѓа самотија, макар на птица. Во такви моменти се создаваат најдобри дела. Барем кај нас, луѓето. — at Bay of Bones, Ohrid.