Куќичка на дрво на 2 часа од Гевгелија

Запознајте се со проектот „Treehouse на Аграмада“ кое е уникатно луксузно скривалиште во срцето на Халкидики, на само 33 километри од плажата Какоудиа која се наоѓа на почетокот на третиот крак.

Ова куќа се наоѓа во село, а дизајнирана е да можете да имате посебни приватни моменти со вашата партнерка или партнер. Без разлика дали сакате да ги истражувате ридовите, да пешачете во дивината или пак да ги посетите плажите на краците, ова е дефинитвно одлична опција за луѓето кои сакаат да бидат максимално изолирани од јавноста. 

Она што е доста интересно за ова куќа е тоа што таа располага апсолутно со се. Од брачен кревет, модерна туш кабина и купатило, а она што е можеби и најважно за македонските туристи (иако и после долго истражување не сфативме ОТИ) е тоа што ова куќичка има WI-FI. 

Ентериерот е доста модерен, спалната соба е опколена со прозорци, кои даваат доволно светлина, а исто така имаат цел да ви дадат до знаење дека вие пресојувате 24/7 во планина. Прозорци има и на таванот, од каде влегува дневната светлина. 
Ова куќарка е идеална за во текот на цела година. Има клима, фен, греење, телевизор. Цената се движи од 100 долари од ноќевање, но оценката која ја има на AirBnb e 5.0 што значи дека гостите имале предвид да направат рамнотежа помеѓу квалитетот на куќата и вредноста на парите. 

Сопствениците на ова куќичка која ја изнајмуваат на AirBnB но е достапна и за контактирање на Google, приготвуваат и појадок. На традиционален начин, со локална храна. 

Домашниот џем, локалниот мед, домашен сок од лимон, сирење и јајца од локалните мештани, се само дел од она што се служи за појадок. 

Доколку сакате повеќе информации кликнете овде.